علق الإعلامي مدحت شلبي، على الموافقة على تأجيل مباراة الأهلي وطلائع الجيش في الدوري بعد طلب الاحمر ذلك.
وقال مدحت شلبي في تصريحات ببرنامج امم إفريقيا، عبر قناة “mbc مصر”:” نروح للست عواطف، امبارح اتكلمت ان العواطف تؤثر على الكره المصريه، اتحدث بغض النظر عن الاهلي او الزمالك، ماحدث في افريقيا هو نتاج سياسات خاطئه تماما”.
وأضاف:” كلما اجلت مباريات الموسم ينتهي في غير موعده، ولايحصل اللاعبين على راحه كافيه اللاعب بيخلص من هنا وخش ياجدع، وده علشان الست عواطف موجوده ترضي الناس الكبيره”
وشدد شلبي:” الموسم لما بيتمد حضرتك متقدرش تاخد لعيبةقويه من دوريات اخرى ولا لعيتك بتتنقل لدوريات قوية”.
وأشار: “بيراميدز اول فرقه اتجاملت طلبوا من المسئولين ومش عاوز اقول الست عواطف علشان محدش يزعل، تأجيل مباراة ووافقوا”.
وواصل شلبي:” الاهلي عنده مباراة شباب بلوزداد وبعدها لقاء في غانا، وقال مش عاوز العب ماتش الجيش وقال اشمعنى بيراميدز ووافقوا على التأجيل، مادام فتحت الفتحه مش هتتقفل انت مضطر تقبل للكل مادام الست عواطف بتتحكم”.
واختتم: “الجديد الاهلي بيطلب مباراة اخرى مؤجله امام بيراميدز احنا بدعه لوحدنا بنأجل المباريات، انا مبتكلمش علشان الاهلي بتكلم علشان الكرة المصريه”.
