رسالة من شوبير لحسام حسن بعد تولي تدريب منتخب مصر !! : لو مش هتعمل كدا نقعد في البيت !! – فيديو

حرص الإعلامي أحمد شوبير علي توجيه رسالة إلي حسام حسن بعد تولي تدريب منتخب مصر ، وكذلك توأمة ابراهيم حسن بعد تولي منصب مدير المنتخب.

وطلب احمد شوبير من الثنائي ، وضع سياسة للتعامل بها مع اللاعبين من أجل تفادي الصدام ، مؤكداً أنه في حالة عدم حدوث ذلك ، فسيكون الخيار الجلوس في المنزل.

وقال احمد شوبير مقدم برنامج CAN2023 المذاع عبر شاشة قناة أون تايم سبورتس الفضائية :حسام حسن كان بينتقد محمد صلاح ، دا حقه تماماً كان بيتكلم فني وهو برا، انسوا المخاوف دي .

وزاد : صلاح اتقطع في البطولة لكن معندوش مشاكل بيلعب باسم بلده، محمد صلاح هو كابتن منتخب مصر ، هو النجم الأول للكرة المصرية ، اللي مش عاجبه الكلام مفيش مشكلة.

واسترسل : كل واحد له مكانته ، وكل واحد جوا نفسه عارف ان لي قيمة من لاعبي المنتخب ، حسام ممسكش فرقة بإمكانيات لاعبين بهذا الشكل قبل كدا
لازم حسام وابراهيم حسن يقعدوا الفترة الجاية ويحطوا سياسة يتعاملوا بيها ، لو مش هيحصل دا نقعد في بيتنا.

وأتم: اللي جاب حسام حسن وحسن شحاته ومحمود الجوهري ، هي ناس مكانش عاجبهم الوضع وكانوا بيهاجموا.