كشف الإعلامي سيف زاهر ، حقيقة اعتراض محمد الشناوي حارس مرمى الأهلي ، علي انضمام محمد ابوجبل للأحمر .
حيث قال سيف زاهر مقدم برنامج CAN2023 عبر شاشة قناة أون تايم سبورتس الفضائية : محمد الشناوي سألته علي موضوع اعتراضه علي ضم حارس ما للأهلي سواء ابوجبل او غيره .
واضاف : الشناوي قالي انى اكره او احب دا في داخلي ، لكن أنا مليش اقول مين يجي ومين لا ، ولو انا كدا كنت اقلق علي مكاني في المنتخب.
واستطرد : الناس بتقول انت مديتش الفرصة للولاد الصغيرين في حراسة مرمي الأهلي ليه ؟ مينفعش هتحرقهم ، لازم يكون في حد كبير يسند معاهم.
وأكد : الأهلي مردش علي حد في قصة ابوجبل ، سايب الناس تتكلم ، الأهلي هو الأهلي لا يوجد ردود ، صرح زي ما انت عاوز ، الشناوي قالي انا رهانى علي الأهلي ، والشناوي في حته تانية وهيرجع أحسن من الأول ، رغم انه مقدمش افضل شئ في أمم أفريقيا ، لكن يبقي هو الشناوي.
وزاد : الشناوي كان عنده عروض من أندية عربية قبل أفريقيا ، وقبل البطولة الأهلي قاله لما ترجع ، وقال لو فضلت في الأهلي عاوز عقد كويس لأن خلاص ايامى في الملاعب اصبحت قريبة من النهاية ، والأهلي وعده بكدا ، وحتي بعد الإصابة الأهلي قدم نفس العرض الكبير للشناوي ، وهنا الأهلي بيدي رسالة للولاد الصغيرين ، احنا بنشتري اللي مننا ، ومبناخدش حد لحم ونرميه عضم.
و أتم : الأهلي فاتح الخطوط مع كل الحراس ، وارد تلاقي اسم جديد الفترة المقبلة ، مفيش حد الأهلي عرض عليه يجي ، الا وقال طبعاً.
شاهد الفيديو
