شاهد.. رسالة هامة من إبراهيم عبدالجواد للجماهير بعد الهجوم ضده بسبب ناصر ماهر – فيديو

حرص الإعلامي إبراهيم عبد الجواد على توجيه رسالة خاصة إلى الجماهير المصرية، بعد الهجوم عليه خلال الفترة الماضية بسبب الحديث عن بعض الظواهر والأحداث المتعلقة بالزمالك والأهلي، وكان أخرها تعليقه على تصريحات ناصر ماهر لاعب وسط الفارس الأبيض.

و وجه “إبراهيم” رسالة لـ الجماهير المصرية : قائلا :” أي حد ليه كل الاحترام والتقدير المختلف والمتفق، وأنا أتقبل أي وجه نظر مختلفة لأن في النهاية دي كورة ورياضة واحنا مش نتكلم في مقدسات ولازم نتقبل وجهات النظر المختلفة والرأي والاختلاف طالما باحترام ودون تجاوز فده حقي”.

وأضاف “عبد الجواد” خلال تقديمه حلقة جديدة من برنامج ” الهدف” على قناة “أون تايم سبورتس 2″:” انا بسامح في تجاوز ضدي لعل وعسى ربنا يسخر لينا الناس اللى تتسامح وتتجاوز عنا، خاصه وانا متفهم العقلية الخاصة بالجماهير”.

وتابع :” لازم الجماهير تفهم ان اللى عايز يعلي كلمة الحق الطبيعي مرة يقول رأي يتفق مع كلامك ومرة أخرى يقول وجه نظر مختلفة، وأنا متفهم الأزمة اللى فيها الجماهير وهي عدم تقبل وجهات النظر المختلفة نتيجة تصرفات من بعض المسؤولين خلال السنوات السابقة”.

وواصل “عبد الجواد” :” لازم نتقبل وجهات النظر المختلفة لأننا مش ملايكة في النهاية، أنا مش مطالب اشيل شنطة على كتفي واطلع منها المواقف القديمة اللى علقت عليها واتكلمت فيها قبل كده علشان أبرر بيها كلامي في الوقت الحالي”.

وأكمل :” القصة ببساطة شديدة الواحد متفهم مدى صعوبة الشغلانة بتاعتنا وإن كل الجماهير مع الظروف الحالية بقى فيه ألفاظ وتجاوزات اعتدنا عليها نتيجة تكرارها وهي بعيدة تمامًا عن الرياضة، وإحنا كلنا إخوات وبنتكلم في الكورة والدنيا أبسط من كده”.

شاهد: