![شوبير يكشف مفاجأة أخري من مجلس الزمالك للجمهور !! - فيديو 1 شوبير يكشف مفاجأة أخري من مجلس الزمالك للجمهور !! - فيديو](https://zamalek.news/wp-content/uploads/2024/02/Screenshot_2024-02-01-01-09-44-05_f9ee0578fe1cc94de7482bd41accb329-780x470.webp)
كشف الإعلامي احمد شوبير عن مفاجأة سعيدة من مجلس إدارة نادي الزمالك برئاسة حسين لبيب للجمهور ، وهي العمل على فرع 6 اكتوبر الأيام المقبلة.
وقال احمد شوبير مقدم برنامج CAN2023 المذاع عبر شاشة قناة أون تايم سبورتس الفضائية : مجلس الزمالك جه أمتي وعمل أيه ، اللي قبله كان يقولك الضرائب علشان فلان والصفقات مش هنجيب علشان كدا.
وأشار: في أكتوبر جه مجلس الزمالك بقيادة كابتن حسين لبيب وهو كابتن ونص ، دا كابتن مصر في اليد وجه معاه ناس محترمين ، فك الحجز ، وخلص الضرائب ، وحل القيد ، ودعم الفريق وجاب لعيبه كتير جدا ونجح .
وأكد : حد يقول عبدالله السعيد معاشات والله الناس شايفاه كويس، ومش بيطلعوا كل شوية يتكلموا، وعلاقة الزمالك بكل الأندية أصبحت ممتازه ، وخلص مشكلة دونجا ، بجانب ابقائه علي زيزو وفتوح ، كل دا مطالب جماهيرية .
واستطرد : والعلاقة مع الأهلي أصبحت جيدة جداً ، وهيجري تحديد موعد لزيارة من مجلس الأهلي للزمالك ، وهيكون في شغل في فرع أكتوبر خلال الأيام الجاية ، فرع أكتوبر دا بنسمع عنه بقالنا 10 سنين.
واتم : أتمني المساندة تكون للمحترمين ، تحيه لمجلس الزمالك.
شاهد الفيديو