شن الإعلامي احمد شوبير هجوماً قوياً علي اتحاد الكرة المصري ، بعد بيان الاعتذار عقب وداع بطولة أمم أفريقيا من ثمن النهائي ، مؤكدا أن البيان مضمونه ان الإتحاد برئ.
وقال احمد شوبير مقدم برنامج CAN2023 المذاع عبر شاشة قناة أون تايم سبورتس الفضائية : اتحاد الكرة اعتذر للشعب المصري بعد وداع بطولة أمم أفريقيا، اتحاد الكرة في بيانه بيقول انا براءة.
وشدد : سيادة الوزير معايا انا شخصيا قال انا كنت اتمني كيروش يستمر ، بتقول بعد مشاورات للنهوض بالكرة المصرية ؟؟ كدا بتورط سيادة الوزير معاك.
وزاد : فين النهوض بتاع حضرتك ؟ ارقامك ونتائجك دي نهوض ؟ انت هتهزر ، الدوري العام بتكمله بالعافيه والملاعب عندك لا تصلح.
و استرسل : هو محدش بيراجع البيانات ولا ايه ؟ قول بعتذر واسكت لكن هتقعد ترغي وتقولي نهوض ؟
وتابع : ايه اللي فهمته من البيان ؟ مفهمتش حاجه ، هو بيقول انا براءة ، ياجماعة الإتحاد عمل اللي عليه ، طب والنتائج ؟
وشدد : في مجلس قبلكم كسب ٣ ماتشات دور المجموعات وفي دور ال١٦ لما طلع قبل ما يطلع النهار استقال.
وقال : كل الاختبارات الجادة انت فشلت فيها ، فات الميعاد انت بتلعب في الوقت الضائع ومش هتعرف تعوض لانك خسرت كل البطولات.
واضاف : لابد من الأن التفكير في وجوه جديدة ومسئوله جداً جداً تتولي المسئولية ويشتغلوا علشان نعرف نحاسب.
وأتم : ومليون شكر للوجوه القديمة وكل اسبوع هنعملكم حفلة تكريم ، والناس الجديدة تعمل دوري محترم وتشتغل ويقدموا لنا مشروع زي السنغال والمغرب ، المغرب طلعت لكن عندهم رصيد كويس.
شاهد الفيديو
