أكد أيمن عبد العزيز مدرب منتخب مصر السايق، أن حازم إمام عضو مجلس إدارة اتحاد الكرة، تعرض للظلم خلال الفترة الأخيره بعد الهجوم عليه، بسبب اخفاق المنتخب في بطولة أمم إفريقيا.
وقال ايمن عبد العزيز في تصريحات عبر قناة”mbc مصر”: “حازم إمام اتظلم علشان هو زملكاوي واسامه نبيه علشان زملكاوي، وحازم مبيأخدش قرار لوحده وبيعملوا تصويت في اتحاد الكرةوبيشوفوا السير الذاتيه للمدربين وبيختاروا منهم”.
واضاف:”حازم دوره الاشراف على المنتخب وهو وصلة الهمز بين الاتحاد والمدرب زي ما بركات موجود مع المنتخب الاوليمبي”.
وتابع:” حازم كان موفر كل حاجه للمنتخب في كوت ديفوار، لكن صادفنا سوء توفيق واهم 4 او5 لعيبه اتصابت هل الناس عرفت ان تريزيجيه درجه حرارته كانت عاليه قبل مباراة الكونغو بيومين،و مرموش يوم اللقاء الدكتور قالنا حرارته 40 وبيموت”.
وأشار عبد العزيز: “امام فجاة وقع على رأسه وفقد النطق، وعندك احسن لاعب في العالم محمد صلاح مصاب، والشناوي اتصاب كل ذلك اثر علينا
وشدد:” كل من هو زملكاوي في الجهاز او الاتحاد بيتهاجم، لكن مفيش غيره بين اللاعبين زمالك واهلي، وقت وجود وائل جمعه ووضياء السيد وحسام البدري عمر ماحد هاجمهم ولا اتكلم عليهم”.
واختتم: “الهجوم كان في البرامج، سيد معوض طلع يقول اعطي كارت احمر ومعه محمد شوقي لحازم امام وبركات، مش علشان انا مجبتكش في منصب تهاجمني وتخسرني الكره مش دايمه”.
