أكد أمير مرتضى منصور، المشرف العام على الكرة السابق بالزمالك، إن الانتماء لناد معين في الوقت الحالي خاص بالجمهور فقط، مشدد أن الأمر بالنسبة للاعبين المحترفين مجرد عمل وأن إمام عاشور لاعب الأهلي “بيأكل عيش”.
وقال أمير مرتضى منصور في تصريحات تليفزيونية عبر قناة “النهار”:” الزملكاوي والأهلاوي ده اللي قاعد في المدرج، اللاعيبة بالنسبة لهم ده أكل عيشه، هيموت نفسه وهيبوس التيشيرت، جوه قلبه هو بيحب مين؟ دي قصة مش هنعرف ندخل فيها مفيش انتماء في الكرة”.
واضاف: “حسام حسن من أساطير الكرة ولما مشي من الأهلي بطريقة مش كويسه، ولعب في الزمالك اجتهد وكان زملكاوي في الوقت اللي كان بيلعب فيه في الزمالك”.
واشار مرتضى:” إمام عاشور بيتظاهر إنه أهلاوي، وممكن انتماؤه يتغير، ويبقى بيحب الأهلي لأنه خلاص أكل عيشه، بقى بالنسبة له مصلحته فين، ودي حاجة في العالم كله، انما الجمهور بيتحرق دمه وبيشجع نادي واحد”.
وشدد:” انا مستفدش من الزمالك ماديا، وكنت مبسوط ان اسمي ارتبط باسمه، في الاخر أنا لو جالي الأهلي مش هروح الأهلي، علشان انتمائي للزمالك، وعشان معنديش رؤية لتطوير الأهلي، أنا عندي رؤية الزمالك بس”.
وأختتم: “شيكابالا مضي في الأهلي وحس انه مش هيعرف يلبس التيشرت وزعل، الأهلي تفهم ورجع له العقد علشان حس انه تسرع، في ناس بتقدر تعمل كده وناس لا”.
شاهد
