كشف أمير مرتضى منصور، المشرف على الكرة السابق بالزمالك، السر الخفي وراء الصراع المستمر بين مرتضى منصور وممدوح عباس.
وقال أمير مرتضى منصور في تصريحات تليفزيونية عبر قناة “النهار”: ممدوح عباس كان بيحارب عائلة مرتضى في الزمالك، استاذ ممدوح بيحب الزمالك من وجهة نظره وشايف ماخدش فرصته وعاوز يبقى موجود”.
واردف ردا على سؤل لماذا لم يتم الصلح بين مرتضى منصور وممدوح عباس؟،:” كل واحد بيأخد فترته وزمنه استاذ ممدوح اخد فترته وزمنه بمجلس كامل وكسب بقايمته كلها وكان عنده كل المقومات للنجاح ومنجحش”.
وتابع مرتضى: “أستاذ ممدوح عباس عمل كل الكوارث في عقود رعاية وصفقات وخناقات حصلت هو غير مؤهل لادارة الزمالك، مش معنى انه محب يبقي رئيس كان نفسي استغله بكل الاموال التي ينفقها لمحاربتنا لمصلحة الزمالك”.
وشدد:” كل الفئات كانت بتعرف تتعامل معايا على عكس والدي، وعرضت ايه المانع يحصل توافق وصلح مع استاذ ممدوح عباس، وبدل مايصرف كل ده لمحاربه الزمالك طيب يصرفه على الزمالك، وهكتب المبنى الاجتماعي باسمه، تقدمت، وعرضت على عمرو الجنايني التعاون مع ممدوح عباس والصلح والرد كان مش وقته “.
واشار مرتضى: ليه الاستاذ ممدوح بيحاربنا؟، علشان شايف ان مرتضى منصور اخد مكانه في الزمالك، مع ان مرتضى عضو مجلس ادارة من سنة92 واستاذ ممدوح بيتعامل انه مشجع من سنة70″.
وأختتم:” الاستاذ ممدوح صرف على اعلاميين وسوشيال ميديا وناس بتطلع لايف لمحاربتنا، واخدنا عليهم احكام وتنازلنا ومنهم عبدالناصر زيدان، وتنازلنا علشان المستشار مرتضى طيب، وعبدالناصر قاله حاربت حرب مش بتاعتي وحد زقني احاربك”.
شاهد
