كشف الإعلامي سيف زاهر تفاصيل مكالمته مع ابراهيم حسن مدير منتخب مصر الوطني ، بشأن أزمة استدعاء محمد صلاح لمعسكر منتخب مصر في مارس ، بينما يرفض ليفربول في المقابل بسبب إصابة اللاعب.
وأكد سيف زاهر ، أن إبراهيم حسن قال انه يتمسك بضم محمد صلاح من أجل وضع نظام جديد يحفظ قيمة المنتخب ، وسيكون النظام عبارة عن فحص أي لاعب مصاب بمعرفة طبيب المنتخب.
وقال سيف زاهر مقدم برنامج ملعب أون تايم المذاع عبر شاشة قناة أون تايم سبورتس الفضائية : الجهاز الفني للمنتخب اختار المحترفين ، بناءً علي كلام ابراهيم حسن ، أنهم بعتوا أسماء المحترفين ما عدا كوكا والنني .
وزاد : وبرده حسب كلام ابراهيم حسن ، النهارده اتقال صلاح مصاب وحمدي فتحي ، مفيش مشكلة المصاب هيحضر المعسكر ويتفحص من جهاز منتخب مصر ولو مصاب عاوز يتعالج أهلا وسهلاً عاوز يمشي يروح يتعالج في ناديه مفيش مشكلة .
وشدد : حسام حسن وإبراهيم حسن ، قالوا انسي خالص الجهاز الفني ، احنا بنعمل سيستم ، منتخب مصر قوي وعنده نظام مع لعيبته ، كلوب دايما بيطلع بالتصريح بشكل سريع ، لما اتسال عن صلاح قال لسه قدامه شوية .
واضاف : ليفربول بعت خطاب رسمي لإتحاد الكرة المصري قال بنفضل أن محمد صلاح يفضل هنا ويتعالج ومينضمش لمعسكر منتخب مصر ، إتحاد الكرة مردش ، وجهاز المنتخب قال مفيش رد دلوقتي ، علشان لو رفضوا وصلاح شارك الماتش الجاي هيبقي شكل المنتخب ايه ؟ ابراهيم حسن قال دا منتخب مصر ، وقال كمان احنا محتاجين محمد صلاح يكون موجود في أول تجمع للجهاز الجديد ، والجهاز الطبي يكشف عليه ويقدم تقرير عنه .
وأتم : طبيب منتخب مصر يقدر يعالج محمد صلاح ، عمره ما عمل خطأ طبي او شخص غلط، اللي حسام وابراهيم حسن بيعملوه دا الصح ، بيعملوا نظام للمنتخب.
شاهد الفيديو
