رد أمير مرتضى منصور، المشرف العام على الكرة السابق بنادي الزمالك، على اتهامه “بالسمسرة” والحصول على عمولات في الصفقات التي كانت يتعاقد معها للفارس الأبيض.
وقال أمير مرتضى منصور في تصريحات تليفزيونية عبر قناة”النهار”، ردًا على سؤال اتقال ان كان في سمسرة منك في صفقات الزمالك وعندك شركة؟، “اتقال علي كل شئ ناقص يتقال عليا ان باوأد الاطفال، كل حاجه اتقالت عليا، مكنتش برد وممكن ابقى غلط بس انا شايف ان افضل اشتغل واحترم الناس واحترم الخصوم واراهن ان كل اللي قدامي هيتراجع”.
وتابع:” الكلام اتقال سنة 2015 قبل تعييني في الزمالك، واتكرر في2018 بعد تواجدي في النادي، عام 2015 كنت ابن رئيس النادي، باقوم ببعض المساعدات او التفاوض مع مدربين اولاعبين، وطلع علي اشاعه السمسرة واتسألت من سيف زاهر ورديت بان عمري ماكان عندي شركه، ولاعمري كنت شريك والاتهامات كانت بسبب اعداء المستشار”.
واضاف: “احمد يحيى وكيل اهم لاعبيه في الزمالك والاهلي عنده لعيبه مميزه ومهم وبيشتغل مع الزمالك من قبل تواجدي وبعد رحيلي واحمد يحيى تعاقد للزمالك 5 صفقات في الانتقالات للاخيره مع مجلس حسين لبيب”.
وشدد مرتضى:” لو انا مشارك احمد يحيى هقول لان انا مش هتنصل من علاقاتي، مكنتش بجيب اللعيبه بفلوس تحت الترابيزه، كانت الفلوس خارجه من النادي، وكنت بقول للوكيل اللي هجيب لي لاعب باقل سعر هتعامل معاه تاني”.
وأشار: “احسن لاعب تعاقدت معاه؟، زيزو لاعب جيد وكان بـ200 الف دولار اي مايوازي 3 مليون جنيه، في وكيل رشح لي زيزو وهو محمد حبشي وليه محدش بيقول اسمه، زيزو مكنش معروف والمدير الفني مكنش مهتم به قيمة زيزو التسويقيه ارتفعت حاليا، واخر عرض وصله اتقال 8 مليون دولار، ومش هيتقال ان امير مشارك حبشي علشان تعاقدت مع زيزو بـ3 مليون جنيه فقط”.
واردف مرتضى:” بن شرقي جابته من الهلال السعودي بـ400 الف دلولار اي مايوازي6 مليون جنيه”.
وردا على سؤال لماذا لم تجدد لبن شرقي؟، أجاب:” تعاقدنا مع بن شرقي في صيف2019 ووقع عقد ممتد لموسم 2023 احنا قعدنا سنه في البيت ورجعت متبقي لاشرف في عقده6 شهور فقط”.
وواصل أمير مرتضى:” اشرف كواليتي عالي وانسان عالي جدا، وقالي انا مش عاوز اقعد في مصر ولو قعدت هيبقى في الزمالك، وطلب من مطلعش اصرح واعطي امل للناس انه هيجدد لانه زهق وعاوز يمشي”.
وأستأنف: “بيقال احمد يحيى شريكك؟،:” احمد تعاملت معاه قبل وجودي بالزمالك في3 لعيبه كنت مرشحهم للزمالك الونش وطارق حامد ولاعب تاني وكيلهم احمد يحيى، لما توليت المسئوليه حصل بيني وبين يحيى خناقه، ومنعته من دخول الزمالك سنتين، ولو في اي لاعب بيجدد عقده من حقه يطلب وكيله لكن رفضت دخول احمد يحيى”.
وأستطرد مرتضى:” خناقتي مع احمد يحيى كانت بسبب انه اخد احمد الشناوي حارس الزمالك وقتها ومضاه في الأهلي، كان عندي مشكله كبيره معاه بسبب كده ومنعت التعامل معاه وعدم دخوله النادي حتى وقت تجديد اللاعبين”.
وزاد:” لما رجعت بعد2020 احمد يحيى جاب ناصر منسي ولاعب تاني مجاش الزمالك وهو مروان عطيه، مروان كان موقع للزمالك قبل ماينور في الاتحاد مضيته استمارة ورغبه وكلمت محمد مصليحي وقالي عندي ضغوط ومش هيبعه الا السنه الجايه فتعرض لضائقه ماليه وباعه في يناير للأهلي”.
واختتم:” خلاصه الموضوع احمد يحيى مش شريكي ولو في وكيل اخدت منه جنيه اوعزمته على او عزمني على شاي يطلع يقول اويعمل فيا بلاغ”.
شاهد:
