أشاد رضا عبدالعال ، بمستوي احمد حمدي صانع ألعاب الفريق الأول لكرة القدم بنادي الزمالك ، مؤكداً أنه إذا حصل علي الفرصة كاملة سينضم لمنتخب مصر.
وقال رضا عبدالعال في تصريحات لبرنامج البريمو المذاع عبر شاشة قناة TEN الفضائية تقديم الإعلامي محمد فاروق : احمد حمدي ميلعبش والراجل جابه من الدار للنار دا حتي مكنش مقعده احتياطي الماتش اللي فات .
وأشار : جوميز يمشي لو مش مقتنع بمحمد شحاتة ، دا مش مقتنع ب١١ لاعب ، احمد حمدي دا لما لعب اثبت أنه لو اخد كام ماتش هيروح منتخب مصر .
وزاد : وعبدالله السعيد بيقدم مستويات مش كويسه بتلعبه ليه ؟ ومحمد شحاتة احسن من العواجيز اللي في نص الملعب ، عواد اللي يلعب ولا صبحي ؟
وأكد : بتلعب حسام عبدالمجيد الماتش اللي فات ، والنهارده بتلعب بمحمود علاء ليه ؟ والمثلوثي دا يقعد ، جمهور الزمالك فرحان بيه من وقت إنقاذ ماتش بيراميدز ، دا مدرب مبيعرفش يعمل حاجه بيكلم فيريرا يقوله ايه يابروف هعمل ايه ؟
شاهد الفيديو
