كهربا : اتفقت مع المسئولين على الاستمرار في الزمالك !! وهذا سبب رحيلي !!!! – فيديو

أكد محمود عبدالمنعم كهربا لاعب خط هجوم الأهلي الهارب من الزمالك في موسم 2019 ، أنه أبلغ مسئولي الزمالك برغبته في الاستمرار مع الفريق واتفق على تجديد العقد ولكن لم ينال التقدير المالي، لذلك رحل.

وقال كهربا في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر : وقعت للزمالك علي تمديد سنة ، العقد كان علي بياض لأني كنت واثق فيهم .

وواصل : المسئولين راحوا وثقوا العقد بعدها بفترة طويلة واللائحة بتقول 30 يوم فقط انا أصلا ماضي في 2016  والعقد اتوثق في 2018 ، واحمد مجاهد ومجدي عبدالغني ساعدوهم يوثقوا العقد، هما اعتمدوا علي أن الزمالك دفع رسوم توثيق العقد ولكن مبصوش على تاريخ.

واضاف : الفيفا بعت لاتحاد الكرة وكان سؤالهم العقد سليم واتوثق في ميعاده ؟ لكن هما مقالوش كلمة حق ، كانوا المفروض يقولوا لا العقد مش سليم .

وشدد : انا كنت اقل لعيب باخد فلوس في الزمالك كنت باخد ٢ مليون جنية ، كنت بساعد الفرقة ومموت نفسي علشان افرح الجمهور ومقصرتش معاهم ، كان في لعيبة بتاخد أرقام .

واضاف : مرتضى منصور خد فلوس من ورايا كتير للزمالك وانا ربنا كرمني ، اتفقت معاهم علي مبالغ معينة علشان اجدد ، وفي شهر يناير حطولي رقم مش حلو ، كان 22 مليون جنية ، قلتلهم قدروني وانا هكمل الأرقام كترت وانا عاوز 20 مليون ، وبدأت من بعدها المشاكل .

واضاف : نهاية عقدي كان 31 يونيو كان فاضل 6 ماتشات لو كسبنا منهم ماتشين كنا خدنا الدوري ، انا كنت واخد قرار احترف .

شاهد الفيديو