كهربا يفجر قنبلة : هذا المسئول الزملكاوي كان يريد أن يساعدني في الغرامة !! – فيديو

أكد محمود عبدالمنعم كهربا لاعب خط هجوم الأهلي الهارب من الزمالك في موسم 2019، أن علاقته جيدة بالمشرف علي الكرة السابق بنادي الزمالك أمير مرتضى منصور ، وكان يريد أن يساعده في إنهاء أزمة الغرامة أثناء تواجده.

وقال محمود كهربا في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر : امير مرتضى علاقتي بيه كويسه وكان عاوز يساعدني في موضوع الغرامة ويحل الموضوع .

وزاد : بعد الرحيل عن الزمالك ورجوعي من البرتغال ، كلمني امير مرتضى منصور وكان عاوز يرجعني تاني ، لكن بعد اللي كان بيحصل في التلفزيون موافقتش.

وأكد : انا كنت رايح احترف ، مش في دماغي الأهلي ، الناس كلها عارفه أن انا اهلاوي وكانوا بينادولي جوا أوضة اللبس يا اهلاوي .

واضاف : كل لعيبة الزمالك حبايبي ، من اقرب الناس ليا فتوح ومحمد صبحي وعمر جابر ، الأهلي ملوش أي علاقة بموضوع الغرامة وملوش ذنب ، لولا ان انا بلعب في الأهلي وكابتن محمود الخطيب الأب للروحي ليا مكنتش هكمل كورة وانا كنت واخد قرار ، والدي ووالدتي ساعدوني إني اطلع من الحالة دي.

وشدد : روحت تركيا وكنت هلعب هناك لكن قابلني شوية مشاكل فطلعت على البرتغال ، وبعد كدا قلت هرجع مصر للأهلي ، هلعب في الأهلي لو ببلاش انا مجنون أهلي والله العظيم بجد ودا مش كلام تلفزيون.

وأتم : في ناس اتكلمت معايا من بيراميدز بعد رجوعي مصر وامير مرتضى منصور كلمني تاني ، وامير توفيق كلمني ، وبيراميدز كان عارض عليا فوق ال٣٠ مليون جنية ورحت للأهلي بنص الفلوس دي ، أحسن حاجه في حياتي عملتها اني رحت الأهلي.

شاهد الفيديو