مدرب الزمالك السابق يفتح النار على حسام حسن بسبب لاعبي الأبيض.. “احنا مش نادي درجه ثانية”!!

فتح محمد صلاح، مدرب الزمالك السابق، النار على حسام حسن المدير الفني لمنتخب مصر، بسبب ضم غير لاعب واحد فقط من الفارس الأبيض لصفوف الفراعنة.

وكان حسام حسن قد أعلن قائمة منتخب مصر لمعسكر مارس الحالي وضم محمد عواد فقط من الزمالك مقابل10 من الأهلي.

وقال محمد صلاح، في مداخلة هاتفية ببرنامج “زملكاوي”، عبر قناة “الزمالك”:” حسام حسن ظالم، واوعي تفكر الأهلي هيحبك، انت اخدت لاعبين كانوا مصابين ولسه راجعين”.

وأضاف:” احنا مبنلعبش درجه ثانية، الزمالك زي الأهلي بالظبط، تاخد 10 من الاهلي ولاعب من الزمالك لازم يكون في عدل، ده احنا قولنا فين بيرسي تاو”.

وتابع صلاح:” انت واخد باك شمال موقوف محمد حمدي، ومحمد شكري ليس بخبرات فتوح “.

وأشار:” في كلام حسام قاله عن فتوح مش عاوز اقوله على الهواء، انت مبتدربش نادي، اختار الانسب وغمض عينك عن الالوان، كان المفروض 4 لاعبين من الزمالك على الاقل وابرزهم مصطفى شلبي وعمر جابر وفتوح”.

وأختتم: “على اي اساس واخد باكات الأهلي، اكرم توفيق مبيكلمش ماتش، ومحمد هاني شوف مصطفى شلبي عمل فيه ايه بنهائي كأس مصر، انت مش عادل”.