أكد الإعلامي أحمد حسام ميدو ، أن محمد صلاح جناح ليفربول الإنجليزي ومنتخب مصر ، لا يستطيع أن يكون قائد ، ولا يهمه غضبه من حديثه، مضيفاً أنه تم محاولة ضم اللاعب لجماعة الإخوان.
وقال احمد حسام ميدو ضيف برنامج اسرار عبر شاشة قناة النهار الفضائية : صلاح مينفعش يبقى كابتن.
وأكد : وأنا بيتدفعلي فلوس عشان أقول رأيي، زي المذيع كده، القناة بتديله فلوس عشان يقول رأيه، صلاح مش كابتن مينفعش يكون كابتن.
وزاد : موضوع الكابتن له عُرف في مصر إنه لازم يبقى قديم أنا مهما لعبت برا متجرأش أطلب أكون كابتن، وأنا شايف حجازي قائد، وميهمنيش صلاح يزعل مني لأن دي شغلتي.
واضاف : لو حصلي إصابة عمري ما أسيب المنتخب، وفي 2006 جالي إصابة في العضلة الضامة ولعبت وأنا مصاب وكابتن حسن شحاتة يشهد.
وأشار : صلاح طريقة تفكيره إنجليزي ولازم تتعاملوا معاه كده، وصلاح وطني عشان كفاية إنه بييجي المنتخب وهو بإيده ميجيش، مهما كان هو مين لازم كل اللعيبة تساعده، كان لازم يمضي لأنه على قوة المنتخب.
واستمر : ناس كتير أوي كان نفسهم يطلعوا إخوان، وفي وقت سابق لاعب كرة قدم سابق شدوه للإخوان، ووظيفة اللاعب ده إنه يجند باقي اللعيبة، يعني فيه 6 لاعبين من الأهلي اتجندوا، وتواصلوا معايا وجربوا يجندوني للإخوان ودخلوا عليا دخلة فلسطين وكلام حلو كتير قلتله امشي يالا.
وأتم : المسؤولين اتدخلوا ولحقوا محمد صلاح لأنه كان هيتجند، واشتغلوا على صلاح كويس جدًا ولحقوه، وصلاح وطني وقام بأدوار كبيرة لصالح مصر، والمسؤولين عرفوا القصة وجابوا صلاح وعملوله غسيل مخ لأنه ساعتها كان صغير.
شاهد الفيديو
