كشف الإعلامي سيف زاهر عن قلق السويسري مارسيل كولر المدير الفني للفريق الأول لكرة القدم بالنادي الأهلي ، من عودة محمد الشناوي حارس الأهلي من الإصابة قبل اكتمال شفائه.
وقال سيف زاهر في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية: كولر خايف الشناوي يرجع بدري قبل ما يكتمل شفائه.
وواصل : واتكلم معاه نص ساعة يقنعه ميستعجلش ولازم يتعافي بشكل كامل ، كولر مش خايف علشان شوبير ، لأن لسه فيه فروقات بين الشناوي وشوبير .
وزاد : أي مدير فني لازم يستني محمد الشناوي يرجع ، الشناوي قال لكولر انا مش تلميذ ومش هحط رجلي في الملعب إلا لو أنا سليم بنسبة 100%.
واضاف : محمد الشناوي جمعه حديث مع بعض مسئولي النادي الاهلي في التجديد ، والأهلي بعت حد لمحمد الشناوي أثناء اصابته، الشناوي انشغل في الإصابة ومحددوش معاد للتجديد .
وأتم : والخطيب اتكلم مع الشناوي قبل التمرين وقاله مش هنقعد علشان نجدد ، والشناوي قاله انا بشكر حضرتك على الفترة اللى فاتت وقاله انا كدا كدا قاعد ومكمل ودا ناديه وفي أي وقت انا مستعد.
شاهد الفيديو
