أكد الإعلامي خالد الغندور أن الزمالك يواجه أزمة نفسية بالنسبة للاعبين قبل مباراة الأهلي في قمة الدوري ، بسبب تفوق الاخير علي الأبيض في المباريات الأخيرة بينهم.
وقال خالد الغندور في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر :غياب محمد الشناوي مؤثر مع احترامي لمصطفى شوبير ، وكوكا مش جاهز وياسر ابراهيم غائب ، لكن الأهلي لعب أكثر من مباراة قدام الزمالك ناقص وكسب .
وشدد : الأهلي عنده لعيبه كويسه كتير وعندها دوافع علشان كدا اللعيبة بتموت نفسها في الملعب ، كله بيشوفها مباراة الموسم.
وشدد : الزمالك لعيبته عندها مشكلة نفسية قدام الأهلي ، زي ما بيحصل مع لعيبة الأهلي لما يعرفوا انهم هيلاعبوا صن داونز .
واضاف : لعيبة الزمالك فايقه قدموا الماتش الأخير مستوي كويس جداً واداهم ثقه، الأهلي مقدمش مباراة كويسة من نهائي الكأس ، ولكن بيكسب علشان فريق كبير.
وأشار : أرقام كولر قدام الزمالك بتديله راحة نفسية ، جوميز هيتاثر نفسياً بالهزيمة الأولي في نهائي كأس مصر.
واضاف : ليه الحملة اللى معمولة على ابراهيم نور الدين ؟ قناة الأهلي وبعض الإعلاميين اتكلموا على ابراهيم نور الدين بشكل سلبي ومش عارف ليه الحملة دي .
وأتم : الحكم اللى معاه اتنين على الفار ويغلط ، ميستحقش يبقي حكم، عاملين حملة علي ابراهيم نور الدين من قبل حتي الماتش.
شاهد الفيديو
