المخرج محمد نصر يفتح النار على رضا عبد العال بسبب هدف مازيمبي في الأهلي ..” بلاش هجص وخلاص” – صورة
فتح المخرج محمد نصر الدين النار على رضا عبد العال نجم الكرة المصرية السابق بس الجدل حول صحة هدف فريق مازيمبي في شباك الأهلي في إياب نصف نهائي دوري أبطال إفريقيا.
وألغى الحكم الكيني بيتر واريرو كاماكو، حكم مباراة الأهلي ومازيمبي الكونغولي، التي أقيمت على ستاد القاهرة الدولي، في إياب نصف نهائي دوري أبطال أفريقيا، هدفا لبطل الكونغو في الدقيقة 58 من عمر اللقاء بداعي وجود لمسة يد.
وكان رضا عبد العال نجم الكرة المصرية السابق قد هاجم المخرج محمد نصر الدين بسبب إعادة هدف مباراة الأهلي ومازيمبي، مشيرًا إلي أن الإعادة الخاصة بالهدف لم تظهر الزاوية الصحيحة للكرة وهو ما تسبب في إلغاء الهدف.
وكتب “نصر” عبر حسابه الشخصى على موقع التواصل الاجتماعي ” فيس بوك” :” أولا مبروك لنادى الزمالك التأهل للنهائي وعقبال البطولة وكمان مبروك الأهلي بطل كأس الكرة الطائرة ويستمر الأهلي ملوك الصالات بجدارة”.
ووجه ” نصر” رسالة لـ ” للكابتن رضا عبد العال” : “ثانيا وده الأهم كـ رضا عبد العال هو انت بتزوم عليا ليه وانت عارف إني مش مخرج ماتش الأهلي”.
وتابع :” ثالثا هو انت تعرف ايه عن الفأر ولا هو أي هجص بيتقال وخلاص وناس كتير زامت عليا وظلمتنى لمجرد إن أسمى محمد نصر الى بيكسب الأهلي البطولات وكان مافيش لعيبة ولا مدير فنى ولا إدارة ولا جمهور”.
وأكمل “نصر” :” رابعا كل الناس بما فيهم انت لازم يعرفوا إن الفأر هو المتحكم فى المخرج مش العكس لان كل الكاميرات الى عندى هو نفسها عند الفأر إلى بيراجعها كلها ويستدعى الحكم ويدى قرار”.
واستطرد :” خامسا ممنوع منعا باتا ان بعد قرار الفار انك تعيد أي إعادة غير إلى راجعها الفار فقط.. سادسا عشان لعبة نيدفيد وناصر إلي ممكن ترقى لطرد مباشر ممنوع إعادة أي لعبة لم يتخذ الحكم أو الفار فيها قرار وده من لجنة الحكام وأعتقد لازم اللجنة تراجع نفسها في التعليمات دى لأن لازم يكون فيه إعادة علشان تزيل أي شك ومحدش يظلم المخرج”.
وأضاف :”سابعا أنا مش ساحر هوقف الكرة على ايد اللاعب أو اجيب زاويا معينة تلغى هدف أو ضربة جزاء أو العب بالكاميرات جلا جلا ده كلام مش صح”.
وأشار :” أخيرا مش عيب إن الإنسان يغلط ويعتذر زى مانا عملت مع جمهور الزمالك رغم إن الفار وتعليماته هو الأساس مش المخرج وممكن اقول تصريح فى لحظة انفعال من شخص مستفز وده حصل واستغفرت ربنا عليه وحجيت وربنا يسامحنى لان شغلنا للجمهور مش لنفسنا مفيش انتماء فيه”.
وشدد “نصر” :” أنا أهلاوى واعتز بأهلاويتي وحبى للاتحاد أيضا لكن برة شغلى لانى لما اعمل شغل محايد على الجميع الكل هيحترمنى وده الأهم مع مراعاة ضميرك ومراعاة المولى وعدم ظلم اى فريق كبير أو صغير لأن العمر قصير”.
وأختتم ” نصر” :” دي فرصة اشرح للناس ويفهموا قصة الفأر مع إن لجنة الحكام كابتن وجيه وكابتن فاروق المفروض تطلع ببيان تقول للناس تعليماتها ايه للمخرجين ويشرحوا دور الفار ودور المخرج عشان الناس ترتاح ويبقى الاحترام بينا هو الأساس”.
