تعليق ناري من شريف إكرامي على أزمة اتهام رمضان صبحي بالمنشطات .. ويفحم جمال علام – فيديو
علق شريف إكرامي على أزمة تهام رمضان صبحي نجم نادي بيراميدز في أزمة تناول المنشطات، مشيرًا إلي أن جمال علام رئيس الاتحاد المصري لكرة القدم أضر كثيرًا باللاعب عند حديثه عن تفاصيل الأزمة.
وكان جمال علام رئيس الاتحاد المصري لكرة القدم قد أثار حالة من الجدل خلال الفترة الماضية وذلك بعد تصريحاته حول وصول خطاب إلى إدارة الاتحاد المصري يفيد بإيجابية عينة رمضان صبحي للمنشطات
وقال ” شريف” :” بالنسبة لـ رمضان صبحي اكيد لو محتاج حاجة مش هتاخر لكن رمضان عندة تيم شغال معاه كويس جدًا على الموضوع الخاص بأزمة المنشطات “.
وأضاف ” شريف” خلال استضافته في برنامج ” الهدف” على قناة “أون تايم سبورتس 2 ” :” رمضان لو أخطأ هيتعاقب لكن مش هيتعاقب على خطأ مش خطأه، ومش هيكون كبش فداء”.
وعلق “شريف” على تصريحات جمال علام رئيس اتحاد الكرة بشأن أزمة رمضان قائلا :” الاستاذ جمال علام خدت كلام كتير الأيام اللى فاتت، لكن بقوله عايز اسألك سؤال أنا معنديش أزمة في اللي قلته حتى لو صح، لكن إنت قولت حاجة غلط”.
ووجه “شريف” حديثه لـ جمال علام قائلا :” هل تعلم انك مش من حقك تعلق أو تصرح على الموضوع، لأن الخطاب الصادر من الهيئة المختصة كان موجهة للاعب”.
وأكد “شريف” :” الوحيد اللى ليه حق التعليق هو اللاعب والمنظمة الأهلية، لكن حضرتك طلعت وشوهت صورة لاعب واضطريت بيه، هل أنت مدرك الوضع اللى خليت رمضان صبحي فيه، هل مدرك حجم الضرر اللى بقى فيه رمضان”.
وواصل :” أنا كلاعب وحضرتك مسؤول عني هل أنا هبصلك إزاي هل إنت متخيل لما تجمع اللاعبين في المنتخب هتسمع كلامك إزاي، ولو انا عندي مشكلة في التحدث أجيب متحدث إعلامي، حضرتك بتسئ للمنظمومة ولناس تانية كتير و أحرجتنا مع منظمات ثانية”.
شاهد:
