كشف حسام المندوة أمين صندوق نادي الزمالك ، سبب إصابة محمود عبدالرازق شيكابالا لاعب خط وسط الفريق الأول لكرة القدم قبل مواجهة دريمز الغاني في إياب نصف نهائي الكونفدرالية الأفريقية.
وقال المندوة في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر : شيكابالا في التمرين كان فايق جدا ومن الحماس الزيادة بدل ما يشوط الكورة شاط الهوا فجاله شد في الأمامية” .
وواصل :” وهو مش هيكون في المباراة ، لكن هو قائد الفريق وبيحمس اللاعبين دائماً”.
وزاد :” نتمني الخير والتوفيق لينا ، والكل متفائل أن ربنا يكرمنا”.
وأكد : ” الجالية المصرية بكرا هيبقوا معانا ومتحمسين جدا والجمهور كمان هيجي بكرا”.
وأشار : ” موضوع الرطوبة والحر اللعيبة اتعودت عليه ومش هيبقي فيه مشاكل، الكل حاسس بأهمية المباراة دي ، احنا وفرنا كل سبل الراحة والامكانيات علشان نريح الجهاز واللاعبين وكلهم مستعدين وعارفين أهمية الماتش”.
وأكد : ” جمهور الزمالك البطل رقم واحد في المنظومة وبدعمه هنوصل للى عاوزينه ، والجمهور تحمل كتير وجينا نحاول نصحح المسار ، وبإذن الله التحديات تزول بدعم هذا الجمهور”.
وأتم : “وان شاء الله جمهور الزمالك في مصر وخارجها يكونوا مبسوطين ونكسب البطولة”.
شاهد الفيديو
