كشف حسام غالي لاعب خط وسط الأهلي ومنتخب مصر السابق وعضو مجلس إدارة الأهلي الحالي عن تفاصيل أزمته مع الأرجنتيني هيكتور كوبر مدرب منتخب مصر السابق.
وقال حسام غالي في تصريحات لبرنامج الكابتن عبر شاشة قناة DMC الفضائية تقديم الإعلامي أحمد حسن : “عمر حد شاف كابتن حسن شحاتة بيفرق بين الزمالك والأهلي في منتخب مصر رغم انتمائه الشديد لنادي الزمالك؟”.
وواصل : “إزاي بقي يجي واحد أرجنتيني زي كوبر ميعرفش حاجه عننا يقولنا احنا كلعيبة أهلي اننا بنكسب بالحكام انت تعرف منين احنا مين ولا بنكسب إزاي، وانت أرجنتيني “.
وأشار :” وفي مره تانيه كان قاعد معانا لقيته بيقولي أنا لو بدرب فريق ضدكم هقطعكم”.
وشدد : ” لعيبة الأهلي كانوا بيتعرضوا لظلم داخل منتخب مصر ، وموضوع عمرو جمال مش السبب واللي قاله أسامة نبيه برده ملوش علاقه بالموضوع”.
وأشار : “احنا كنا بنتدرب في تمرين المستبعدين وعنفت عمرو جمال لأنه كان بيدلع ولما رد عليا انفعلت عليه “.
وأتم : “وبعدها كابتن أسامة نبيه اتكلم معايا وقالي مكانش يصح قدامي فأنا اعتذرت له ، وبعدها في العشا اتصالحت مع عمرو جمال”.
جدير بالذكر أن حسام غالي خرج من حسابات كوبر في الفترة الأخيرة للمدرب مع منتخب مصر ، بعد خلاف بينهم .
شاهد الفيديو
