رد قوي من نيرة الأحمر على إنتقادات وغضب جماهير الزمالك بسبب خسارة فريق اليد السوبر الإفريقي!! – فيديو
ردت نيرة الأحمر عضو مجلس إدارة نادي الزمالك، على إنتقادات وغضب جماهير الفارس الاببض، بعد إخفاق فريق اليد وخسارة لقب السوبر الإفريقي أمام الأهلي.
وقالت نيرة الأحمر في تصريحات تليفزيونية عبر قناة “الزمالك”:” الناس قالت لي لو اتكلمتي عن فريق اليد والطائرة هتقولي ايه؟، متفهمه فكرة ان الناس ممكن تكون زعلانه، لإن إحنا ملوك الصالات وبنحقق الأرقام القياسيه في ألعاب الصالات، ولنا تاريخ كبير وحافل بالبطولات بألعاب الصالات”.
واضافت:”فكره ان اقول للجمهور اصبر ومينفعش تهاجم الإدارة واللعيبه والجهاز بالشكل ده ابقى بطلب طلب مستحيل، زي الجمهور مابيضيف المتعه فمن حقه ينتقد ويقول انا زعلان وحزين على فرقتي انها بتخسر، خاصه فريق اليد اللي لثاني موسم بيمر بظروف كثيرة تعرض لها الفريق منذ موسم ونصف”.
وشددت الأحمر: الجمهور بيقول مليش دعوة بالقصه انا كجمهور عاوز افرح وفريقي يفرحني وانت كمجلس ادارة ولاعيبه يكون معك عصا سحريه تحل الأزمات ومليش دعوة بظروفك”.
وأردفت:” انا بأشفق على فريق اليد من سنه ونصف بيتعرض لكم مشاكل كبير، بالإضافة لرحيل بعض النجوم ادى لوجوده في الوضع الحالي”.
وواصلت الأحمر: “مجلس الإدارة ايا كان مستلم التركه ازاي الجمهور مالوش دعوه، انا بعذر الجمهور خاصه أن جمهور الزمالك مبيشجعش كره قدم وبس لابيشجع كل الالعاب”.
وأشارت:” بحيي فريق كرة القدم على فوزهم أمام الأهلي
ومش عاوزه ادخل في التفاصيل والتحكيم، لكن لاعيبتي لاخر ثانيه بتحارب وبتفوز”.
وأختتمت: “فريق الهاند بول والناس بتزعل مني لما اقول لهم رصيد كبير، خلاص بلاش نقول كده رغم ان لهم رصيد كبير وطول عمرهم بيعملوا انجازات، انا من الناس بتقدر مشاعر الجماهير ومش بحب اغازلهم، ولا بهتم بالسوشيال ميديا ولا احفل انا مليش في الاجواء دي بافرح باي بطوله وبقفل على نفسي لما الزمالك يخسر”.
شاهد:
