شريف إكرامي يخرج عن صمته ويكشف المستور في أزمة بيراميدز والأهلي وسر العداوة بين الناديين

تحدث شريف إكرامي حارس مرمى نادي بيراميدز عن حقيقة الخلافات بين النادي الأهلي وبيراميدز، مشيرًا إلي أنه البعض يتعامل مع النادي السماوى على أن هدفه الرئيسي هو الدخول في صدام مع النادي الأحمر.

وقال “شريف” :” مشكلة بيراميدز إنه محطوط في زاوية معينة وهو إنه هدفه الأساسي هو معاداة النادي الأهلي !!”.

وأشار :” جايز يكون الكلام ده كان صحيح في أول سنة على وجود بيراميدز لكن مينفعش نكمل بالانطباع ده على طول، ونخليه في جيبنا نطلعه لما نحتاجه”.

وأضاف ” إكرامي” خلال استضافته في برنامج “الهدف” على قناة “أون تايم سبورتس 2 “:” الموقف في بيراميدز تغير  تجاه الأهلي، خاصة بعد تغيير إدارة النادي وحصل انتقال اللاعبين بين الناديين، لكن الانطباع ده رجع تاني لما رمضان صبحي انتقل من الأهلي لـ بيراميدز”.

وتابع :” سر تعميق شعور معاداة بيراميدز للأهلي هو ماحدث في أول عام لـ بيراميدز،  وأنا كنت في الأهلي في الوقت ده وشعرت بذلك وكان فيه محاولة فرض كبرياء من إدارة بيراميدز في تلك الفترة أمام الأهلي”.

وأختتم ” إكرامي” :” من مصلحة الكرة المصرية يكون فيه تنافسية بين الفرق، ومش لازم اكون في عداوة معاك ممكن أكون مختلف بس معاك في وجهات النظر لكن مفيش عداوة”.