رد شريف إكرامي حارس مرمى نادي بيراميدز على تصريحات الإعلامي أحمد شوبير بشأن أزمة اتهام رمضان صبحي في أزمة المنشطات.
وكان الإعلامي أحمد شوبير قد فجر قضية أزمة إيجابية عينة رمضان صبحي في أزمة المنشطات، دون الإعلان عن اسم رمضان صبحي وقتها لكن تصريحات جمال علام رئيس الاتحاد المصري لكرة القدم بعدها كشفت الاسم وأثارت حالة من الجدل.
وقال “شريف” :” أنا مش طرف أكيد في الموضوع ولو رمضان صبحي احتاج نصيحتي أنا موجود، لكن إحنا عندنا كيل بمكيالين في بعض الأمور بمعنى أن لو رمضان موجود في الأهلي كان التعامل هيتخلف في كل شيء”.
وعلق “شريف” على تصريحات “شوبير” :” قائلا :” الموضوع أصلا اتفتح لما الكابتن أحمد شوبير قال الخبر .. الكابتن شوبير اعتز بيه وبقوله حضرتك من حقك تسعى إنك تجيب سبق إنما اعتراضي مش في الإعلان”.
وأضاف “شريف” خلال استضافته في برنامج “الهدف” على قناة “أون تايم سبورتس 2 “:” اعتراضي على الكابتن شوبير في الطريقة اللى اتقال بيها الخبر بصراحه اتضايقت جدًا واستفزتني”.
ووجه “شريف” حديثة لـ “ِشوبير” قائلا :” انت قولت مش بحب الفضايح وانت فضحته لما قولت الخبر، وقولت مش هقول اسمه لكن قولت كل الإشارات اللى تقول إن اللاعب ده رمضان”.
وواصل : ” قلت للناس مش عايز تشمت بطرقة كل فيها إدعاء النصح والفضيلة، على أيه كنت قولت رمضان صبحي وخلاص، لكن دمج انك عايز تكون صاحب السبق وفي نفس الوقت إدعاء الفضيلة والإنسانية مينفعش “.
