كشف مرتضى منصور رئيس الزمالك السابق، مفاجآت بالجمله بشأن قضية الطعن على إنتخابات الفارس الأبيض.
وحجزت المحكمة الإدارية العليا بمجلس الدولة اليوم، جميع طعون بطلان انتخابات مجلس إدارة نادي الزمالك الحالي، لجلسة 20 مايو للحكم.
وقال مرتضى منصور في تصريحات صحفيه: “اكتشفنا الاتي في قضية الطعن على انتخابات الزمالك في الإداريه العليا، المفروض المفوضين علشان يتكتب التقرير ويبعته للمحكمه، البيه سكرتير جلسه خبى الملف باوامر عليا ومبعتوش”.
وتابع:” اكتشفا واحنا بنطلع على المستندات ان في 8 اوراق مهمه جدا مسروقة من ملف القضية، منها شطب احمد سليمان وحسين لبيب، وبعد الشكوى قدمنا الورق ثاني”.
واشار منصور: “حسين لبيب علشان تترشح في انتخابات الزمالك تكون عضو بالنادي، قولنا مش عضو ايه يثبت عضويته؟ اوراق وهي تكون 1- لاعب رياضي لمدة 8 سنين بالفريق الاول، 2- يقدم طلب 3 يتعرض على لجنة العضويات، 4-مجلس الادارة يوافق، اتحديته يجيب ورقه من دول لتالت جلسه اتحدى يجيب ورقه منهم”.
وأردف:” قلت لحسين لبيب لو رجل هات ورقه منهم، مقدمش حاجه من دول، بيحضرا عنه كمال شعيب محامي ممدوح عباس اللي عاوز ابنه ايمن يبقى رئيس النادي، مش هتشمها يا أيمن، لو ولاد احمد مرتضى نزلوا انتخابات الزمالك هيكسبوك وهم في بيتهم”.
واكمل منصور:” انت كل جنيه بتدفعوا للزمالك يا ايمن بتكتبهم شيكات، وانا دفعت 200 مليون جنيه للزمالك”.
وتابع: “حسين لبيب مقدم صورة ايصال مزور ليثبت عضويته، مين راكب النادي؟ هو حسين لبيب، طيب اصل الايصال معاه ما تقدمه، جايب صوره ليه؟ جيب محضر المجلس وفرحان وبتلبس حاجات احمر واخضر واصفر”.
وزاد منصور:” الايصال مكتوب في ايه؟ انه تبرع لنادي 6 اكتوبر في شهرمايو سنة2000 وده مخالف لان انا واخد الارض في 2003، ازاي دفعت تبرع ومفيش نادي في 6 اكتوبر”.
وأستطرد:” قدمت للمحكمه تقرير نيابه الاموال العامه ان العضويات الرياضية مزوره ومنهم مسئول كبير دلوقتي وقولت اسمه للمحكمه”.
وأستانف مرتضى: “مكتوب ان حسين لبيب تبرع لارض 6 اكتوبر بخط الايد ليه مكتوب بخط الايد؟، الاعضاء الرياضين بناء على قرار وزاري لسنة47 ولما جه يزور ماخدش باله كتب قرار وزاري برقم مخالف، وقدم شهادتين انه لعب فريق اول سنه 69 و70،والـ2 مزورين الدليل ان حسين لبيب مواليد سنة55 يعني لعب وهو عنده13 سنه؟ وهذا ضد اللائحه التي تقر بانه يلعب فريق اول وهو سن 18″.
وأختتم:” في واد اسمه ابراهيم بؤقه مقدم ورق انا كان بيلعب وهو عنده10 سنين فريق اول للزمالك، مين زور الشهادات دي؟ حسين السمري واسماعيل سليم”.
شاهد:
