فجر احمد شوبير ، مفاجأة من العيار الثقيل ، بعدما أكد أنه استكمال عينة منشطات رمضان صبحي من ماء ” التواليت ” من أجل زيادة الكمية مما تسبب في خلل العينة.
وقال احمد شوبير مقدم برنامج ملعب أون تايم المذاع عبر شاشة قناة أون تايم سبورتس الفضائية : لما اتكلمت عن موضوع المنشطات قلت إن فيه لاعب عنده مشكلة مع العينة مقلتش العينة إيجابية ، لكن جمال علام تحدث بشكل خاطئ وقال العينة ايجابية .
وواصل : مفيش تربص من لجنة المنشطات برمضان صبحي لأن كان فيه عينة إيجابية قبل كدا وقدم روشتة بعلاج ومخدوش ضده إجراء.
وزاد : اللى حصل أن رمضان صبحي اتخدت منه عينة ، واتقال أن العينة مخلوطه بمايه ، اللي اتقال بالظبط ان اتاخد شوية من التواليت علشان يزود الكمية فحصل خلل .
واضاف : و المفروض أن اللاعب بيتاخد منه عينه واحده بتتقسم لاتنين لكن حصل حاجه غريبة مع رمضان صبحي يومها أنه اتاخد منه عينه تالته يومها ، وبيراميدز مصر بشدة على فتح العينة وواثق أن اللاعب برئ ، وشريف اكرامي بيدير الموضوع كله لأنه بيجيد الإنجليزية بشكل جيد.
