امير عزمي يفتح النار على خبير تحكيمي ويفضح تلاعبه بالحالات ضد الزمالك – فيديو

شن امير عزمي مجاهد ، هجوماً على منظومة الكرة المصرية ، مؤكدا أن الخبير التحكيمي أحمد الشناوي يناقض نفسه في تحليل الحالات ضد الزمالك ولصالحه.

وقال امير عزمي مجاهد في تصريحات لبرنامج البريمو عبر شاشة قناة TEN الفضائية تقديم الإعلامي محمد فاروق : انا شايف عندنا في مصر فيه مشكلة في التحكيم ، وزوايا التصوير والخطوط اللي بتترسم ، كل دا مسبب مشاكل، في أوقات بياخدوا زوايا غريبه ، طب ليه النهارده محلش الموضوع اصلا ؟

وواصل : الناس بتقعد تقولك عندنا اعلي تصوير واحنا أساسا عندنا مشكلة في التصوير؟ انت بتضحك على مين ؟؟

وشدد : مع احترامي للكابتن الشناوي ، قالك كرة حسام حسن قدام الزمالك فيها شد ، وفي نفس اللعبة كانت ضد الزمالك لعيب شد سامسون ، قالك اصل الشدة لا ترتقي، في الاستوديوهات بيجيبوا ناس تحلل على مزاجها

واستطرد : فيه مشاكل كتير والناس مش عاوزه تحل.

وتابع : هو فيه دوري بيخلص في 9 ، طب ماهو ياجماعة مثلاً المغرب بتلعب زينا أمم أفريقيا وفرقها بتلعب في بطولات قارية وبيخلصوا في المواعيد المظبوطة.

وواصل : احنا بقالنا 5 أو 6 سنين مزنوقين ، لكن كله بياجل على المزاج ، بلاش نضحك على الناس.

وأتم : الإصابات اللي بتحصل في الزمالك والأهلي علشان بتلعب ماتشات في أوقات غريبة وضغط ماتشات هما اللى عاملينه.

شاهد الفيديو