علق وائل جمعة مدافع الأهلي السابق ، على هجوم محمد الشناوي حارس الأحمر ، على الصحفيين في مؤتمر نهائي دوري أبطال أفريقيا .
وقال وائل جمعة أثناء تحليل مباراة الأهلي والترجي في نهائي دوري أبطال أفريقيا : محمد الشناوي مغلطش، أنا شايف إنه مغلطش في حد.
وأضاف: إللي على راسه بطحه يحس بيها، وكل واحد عارف نفسه، الشناوي مجبش سيرة حد بحاجة وحشة وقال كلام عادي، والمضمون مش غلط.
واختتم: الصحفيين بقالهم 15 سنه بيتشتموا بالأب والأم ومحدش سمع صوتهم وخدوا بالهم دلوقتى لما الشناوى قال إن الصحافة هى اللى بتعمل المشاكل وهو عنده حق فى اللى قاله ومقالش حاجة غلط.
جدير بالذكر ، أن محمد الشناوي أجاب على سؤال أحد الصحفيين التوانسة في مؤتمر نهائي دوري أبطال أفريقيا بعد سؤاله عن حقيقة وجود مشاكل بالاهلي.
ليرد الشناوي : مشاكل ؟ الصحافة المصرية اللى بتعمل المشاكل ، لكن الأهلي مفهوش مشاكل.
واصدرت رابطة النقاد الرياضيين ، بيان تدين فيه تصرف محمد الشناوي وطالبت الحارس والأهلي بالاعتذار.
