أكد حسين السيد عضو مجلس إدارة نادي الزمالك ، أن الإدارة ستتحرك لتجديد عقود محمد عواد ومحمد صبحي حراس مرمى الفريق ، وكذلك سيتم الحفاظ على أحمد زيزو.
وقال حسين السيد في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي أحمد شوبير : زيزو الناس بتتكلم عليه من بدري بخصوص التجديد لكن دا حقه لأنه نجم من نجوم الفريق.
وشدد : بطمن الجمهور عواد وصبحي وزيزو مكملين مع نادي الزمالك.
واضاف : كنا مضغوطين في الماتشات علشان كدا مقدرناش نتفق على التجديد مع بعض اللاعبين ، ان شاء الله الفترة الجاية هنبتدي نعلن عن أسماء بعض اللاعبين اللي تم تجديد عقودهم.
وزاد : ياسين لبحيري والفحلي ؟ متكلمناش مع حد ، كل اللى اتقال مش صحيح.
وأكد : جوميز مكمل معانا طبعاً.
واستطرد : هننافس على الدوري لأخر نفس الكرة ملهاش كبير ومش هنفقد الأمل.
وواصل : كنا مركزين في الكونفدرالية لكن مش معني ده اننا نسينا بطولة الدوري المصري.
وشدد : أكبر خطوة في مرحلتنا هي الكونفدرالية ، لأنها خطورة عملاقة لبناء فريق قوي للزمالك في السنوات الجاية ، وبطولة ادتنا تفائل كبيرة ودفعة معنوية
وأتم : بدر حامد بيشتغل في الامارات وكان نازل اجازة يبارك على الكونفدرالية ، وسلم على كابتن حسين لبيب ، فالناس قالت أن بدر هيرجع لرئاسة قطاع الناشئين ودا كلام مش صح.
شاهد الفيديو
