أكد حسين لبيب ، رئيس مجلس إدارة نادي الزمالك ، أن أحمد مصطفي زيزو عقده مستمر مع القلعة البيضاء ولن يرحل.
وقال حسين لبيب في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر: زيزو لسه عقده ممتد مع الزمالك
وواصل : ليه بنتكلم على مصير زيزو وهو عقده لسه، زيزو دا كابتن من كباتن الزمالك ولاعب دولي ، اسألوا زيزو ، كابتن زيزو كان بيقاتل امبارح.
وتطرق : مجلس الإدارة حاطط اتنين لملف كرة القدم ، وهما احمد سليمان وحسين السيد ، لكن كلنا مع بعض ، احنا فريق عمل متكامل.
واضاف : فيه بعض الحاقدين ، بيقولوا كلام مش بهتم بيه ، بل بالعكس بضحك على الكلام.
وشدد : الكل بيساعد نادي الزمالك من المسئولين ومحدش مقصر ودا اللي اشتغلنا عليه من اول يوم ، وحاولنا نغير الصورة الذهنية وقولنا ملناش مشاكل مع حد.
وأكد : احنا لنا بعض التحفظات على الإعلام ، ومش بنعلي صوتنا ، بنتعامل بهدوء، كل الإعلاميين والمذيعين علاقتنا بيهم جيدة ، وممكن يكون في اختلاف في وجهات النظر.
وشدد : ما اطلبه فقط ، الكل يقف خلف الأندية المصرية ، علشان نحافظ على الرياضة المصرية ، الزمالك أول ما كسب الرئيس السيسي بعت تهنئة مباشرة وردينا عليه.
شاهد الفيديو
