سيف زاهر يبشر جمهور الزمالك بعد الخسارة امام نهضة بركان في نهائي الكونفدرالية – فيديو

اكد الإعلامي سيف زاهر، أن الزمالك سيحصد لقب بطولة الكونفدرالية الأفريقية رغم الخسارة امام نهضة بركان المغربي بهدفين مقابل في ذهاب نهائي الكونفدرالية.

وقال سيف زاهر مقدم برنامج ملعب أون تايم المذاع عبر شاشة قناة أون تايم سبورتس الفضائية : لعيبة الزمالك النهارده في الشوط الثاني رجالة وقد المسئولية ، كل اللي كانوا بيتفرجوا على الشوط الأول قالوا خلاص نهضة بركان حسم الأمور ، أقدر اقولكم باذن الله الكونفدرالية زملكاويه.

وأشار : لعيبة الزمالك كانوا قادرين يكسبوا اكتر ولكن برده النتيجة كويسة ، ومحدش يخاف على الزمالك في استاد القاهرة بالسعة الكاملة.

واضاف : جمهور الزمالك حجز قبل ما يشوف الماتش الاولاني هيعمل ايه ، الناس دي بتاع بطولات مش بتوع شو وتصريحات، هما مع الزمالك في كل وقت .

وأكد : جمهور الزمالك في المغرب يستحقوا التحية ، شباب زاحف ورا الفانلة البيضاء ، منهم اللي مضحي بشهور من مرتبه ومنهم اللي دفع تحويشة عمره ، الناس دي اللي بتشقي بجد وبتتعب بجد.

وأتم :  اؤكد لحضرتكم 90% الكونفدرالية زملكاوية من استاد القاهرة.

شاهد الفيديو