شيكابالا يقتحم أزمة الشحات والشيبي بمبادرة خاصة على الهواء .. ورد سريع من لاعب الأهلي – فيديو

أكد محمود عبدالرازق شيكابالا قائد الفريق الأول لكرة القدم في نادي الزمالك أنه على استعداد للذهاب لـ محمد الشيبي ظهير نادي بيراميدز لتقديم اعتذار له بسبب أزمته مع حسين الشحات جناح النادي الأهلي.

وبسؤاله :” لو في حاجه تقدر تدخل بيها نحل مشكلة حسين الشحات والشيبي”، رد ” شيكابالا” :” أنا عن نفسي لو اقدر اروح اعتذر للشيبي نفسه في بيته بصفتي لاعب مصري”.

ووجه “شيكابالا” حديثه للشيبي قائلا :” بقول للشيبي أنت على راسنا من فوق والمغرب ومصر واحد وانت في بلدك الثانية وانا بعتله رساله بعد الواقعه دي على طول قولتله كده واعتذرت له نيابة عن لاعبي الدوري المصري”.

وأضاف ” شيكابالا” خلال استضافته في برنامج ” الكورة مع فايق” على قناة “mbc” مصر 2 :” حسين الشحات غلط ودي نرفزه ملعب وحاجه تحسبله أنه اعترف بالخطأ.. ولو في حاجه اقدر اعملها مش هتأخر والمشكلة هتتحل كده كده”.

ومن جانبه رد الإعلامي إبراهيم فايق: “معانا رساله من الإعداد بعتهالنا حسين الشحات ليك يا شيكابالا قال فيها :”شكرا يا شيكابالا على اللي انت بتعمله وانت على راسي من فوق”.

شاهد: