صلاح سليمان يكشف كواليس مثيرة بشأن رحيله عن قناة النهار بسبب الإساءة للزمالك وشيكابالا

كشف صلاح سليمان نجم الزمالك السابق، كواليس مثيرة بشأن رحيله عن قناة النهار، بسبب الهجوم المستمر من إبراهيم سعيد لاعب الأهلي الاسبق، ومقدم البرامج الحالي ضد الفارس الأبيض ونجومه شيكابالا وزيزو.

وقال سليمان في تصريحات لبرنامج “زملكاوي”، المُذاع على قناة الزمالك: “بحترم القناة (النهار) التي كنت اعمل بها، كنت باكون موجود فيها كصوت زملكاوي حيادي، وجدت نفسي في مكان لا استطيع ان اضيف جديد”.

وتابع:” جمهور الزمالك كان بيلومني على وجودي، ولكن كنت موجود كصوت زملكاوي، وحسيت ان الهجوم اصبح شخصي وليس فني من القناة، انت بتحارب في ناديًه، وقالوا صلاح ترك القناة بعد ما حد من النادي كلمه بسبب تصريحاتهم السلبيه ضد الزمالك ونجومه، وهذا غير صحيح القرار نابع مني انا”.

واضاف سليمان: قبل مباراة مهمه امام دريمز المفروض نتكلم عن الزمالك، اتفاجئ بسؤال عن إيقاف القيد، انت بتحارب ناديّه اللي اخدت خير كثير منه، المجلس حل ارمة القيد في يناير وقادر على حلها مجددا”.

وشدد: “قيل ان تركت القناة بسبب ظهوري في قناة الزمالك، انا من 5 شهور بظهر في قناة النادي، ومش محتاج حاجه، وانا عمري ما كنت وصولي، ووجودي في قناة الزمالك شرف لي، وبالصدفه رمز من رموز الزمالك طلب ان اظهر بالقناة منذ فترة، وبعدها طلبوني للظهور في القناة الاخرى”.

وأشار سليمان:” كنت بتكلم بموضوعيه ونقد بناء، انت كنت لاعب كره مكنتش تحب حد يهاجمك بالشكل ده، لا تدخلني في مشاكل وتقول لشيكا اعتزل انت ماخدتش بطوله لا انتقدني فني”.

وواصل:” انا كنت مستغرب من تكرار الحديث عن شيكابالا، هو مفيش غير شيكابالا، شيكابالا فرد واسطورة مش هيشيل الفرقه كلها لوحده، الفريق جماعي، ومقدم البرنامج قالي الزمالك مش في التوب بوجود شيكابالا، لا شيكابالا ترس في الفريق”.

وأكمل سليمان: “لو الزمالك كسب في وجود شيكابالا، يقول وينتقد ليه تحتفل وتاخد مجهود زمايلك، احنا لما بنشوف شيكا في الملعب بياخد عينك، ده حقه هو جامد، لو انت بتاع كرة وسوي ومنطقي عينك بتروح عليه، ده انا اكلم عليه بطريقه كويسه لانه وصل للسن ده وبيلعب وغيره لحد28 واعتزل، كنا من سنتين بنقول مفيش لاعبيه كةيسه في مصر غير شيكابالا وعبدالله السعيد دلوقتي بقوا وحشين؟”.

وزاد:” هو الموضوع ماشي في تراك معين وجايب تريند معه، بس ممكن تنتشر بطريقه ثانيه، وانتقد بطريقه باسمي الكبير وقول كلام فني مش بووم طخ، الموضوع مش غيره لكن هو عاوز يبقى تريند”.

وأستانف: “شيكابالا وصل19 بطوله مع الزمالك وهو مختلف ومحدش شبهه في مصر وفي مهاريين كثير ولكن محدش شبه شيكابالا”.

وأختتم:” تكلم على زيزو مع المنتخب، رغم ظهوره بشكل جيد ولما لعب مكان صلاح كانت ارقامه جيده وخطه المدرب كانت محجمه زيزو لكن لما لعب في مكانه كان كويس”.