عاجل – محمد عواد يكشف عن مفاجأة ممدوح عباس له بعد التتويج بالكونفدرالية !! – فيديو

كشف محمد عواد حارس مرمى الفريق الأول لكرة القدم بنادي الزمالك ، عن تفاصيل مكالمته مع ممدوح عباس رئيس النادي الأسبق.

وقال محمد عواد في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر :موضوع التجديد خد من تركيزي كتير جدا .

وواصل : وانبسط جداً من كلام حسين لبيب الكويس عني ودعمه ليا ، وبشكر ممدوح عباس على كلامه معايا قبل المباراة ودعمه ليا الموضوع النفسي دا بيفرق جداً.

واضاف : لسه مفيش حاجه بخصوص التجديد ، وكلامي مع حسين لبيب وممدوح عباس كان معنوي فقط ، لكن ممدوح عباس قالي هساهم في عقدك لو ليك نصيب في التجديد.

واستمر: بحمد ربنا على المكسب وببارك للجمهور الكبير سبب المكسب ، بشكر مجلس الإدارة على المساندة ، كلنا كنا محتاجين البطولة ، وانا بالذات لأن دول اخر شهرين في عقدي ، علشان لو هكمل اكمل وانا بطل ولو همشي ، همشي وانا بطل.

واضاف :  كنت محتاج البطولة علشان افرح جمهور الزمالك ، بقالي أسبوع مبنامش من كتر التفكير في المباراة.

وشدد : كان فيه ضغط عصبي رهيب علينا ومحدش هيستوعب اللي كنا فيه ، معنويا وماديا للبطولة هتفرق معانا علشان المشاكل المادية اللى في النادي.

وزاد : مفيش كلام أوصف بيه الجمهور ،بشكرهم ودا قليل عليهم ، وماثروش في درجة حرارة عالية.

وتوج الزمالك بلقب كأس الكونفدرالية الإفريقية للمرة الثانية في تاريخه بالفوز بنتيجة 1-0 على نهضة بركان المغربي في إياب النهائي الذي أقيم على استاد القاهرة.

سجل هدف الزمالك أحمد حمدي.

وحقق الأبيض اللقب بفضل قاعدة الأهداف خارج القواعد، بعدما خسر ذهابا في المغرب بنتيجة 2-1.

وفاز الزمالك باللقب للمرة الثانية بعد 2019 والذي حققه أيضا على حساب نهضة بركان.

ورفع الزمالك رصيده لـ 14 بطولة قارية في تاريخه بواقع 5 دوري أبطال و4 كأس سوبر و2 كونفدرالية و2 أفروآسيوية و1 كأس كؤوس.

وأصبح أول الفرق التي حجزت بطاقة المشاركة في كأس السوبر الإفريقية للمرة السادسة، في انتظار بطل دوري الأبطال بين الأهلي والترجي.

شاهد الفيديو