قاله هترجع الزمالك !! كهربا يتهكم على شيكابالا بعد حديثه عن امام عاشور !! – فيديو
هاجم محمود كهربا مهاجم الأهلي ، محمود عبدالرازق شيكابالا لاعب خط وسط الفريق الأول لكرة القدم بنادي الزمالك ، بعد حديثه أمس عن امام عاشور لاعب الأحمر في احدي اللقاءات التلفزيونية.
وقال شيكابالا فى حوار تليفزيوني :”لا أستطيع كشف ما دار بيني وبين إمام عاشور لاعب الأهلي فى مباراة نهائي بطولة كأس مصر، ولكن كل ما أستطيع قوله إنه طلب القميص الخاص بي عقب المباراة.
ليرد محمود كهربا في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر : يمكن حد خرج وقال ان امام عاشور طلب منه التيشيرت بتاعه في ماتش كأس مصر في السعودية.
وواصل : امام عاشور بعتلي رسالة النهارده أقولها على لسانه ، في واحد في الماتش كل ما يقرب منه يقوله هترجع الزمالك أخر السنه ، هترجع الزمالك أخر السنه.
واضاف : امام عاشور احتراما له علشان كبر سنه ، علشان هو واحد كبير في السن ، حط التيشيرت على بوقه وقاله انا في حته تانيه.
واستطرد : هما عاوزين يوقعوا امام عاشور وفيه حمله عليه ، زي ما كانوا عاوزين يوقعونى.
وأتم : امام عاشور معندوش مشاكل مع الزمالك وجمهور الزمالك بيحترمهم جدا ، بس جمهور الاهلي كبير جدا وبيدعمه ومحدش هيعرف يوقعه.
شاهد الفيديو
