كنت بتغمز لمين ؟ شحاتة يكشف سر اللقطة الشهيره بعد كوبري كوكا في الديربي !! – فيديو
كشف محمد شحاتة لاعب خط وسط الفريق الأول لكرة القدم بنادي الزمالك ، سر اللقطة الشهيره في مباراة القمة الأخيرة أمام الأهلي في الدوري ، بعدما قام بعمل غمزة ، عقب مراوغة احمد كوكا لاعب الأحمر.
وقال محمد شحاتة في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر: لقطة الغمزة في ماتش القمة ؟ دونجا كان بيشجعني ويحفزني بعد الترقيصه قالي هايل يا شحاتة ، فعملت كدا بشكل تلقائي.
وواصل : دونجا اخويا الكبير في الملعب وبرا الملعب ، وبيشجعني في كل الأوقات ، معنديش رهبه من أي ماتشات ، وماتشات الديربي دي بتبقي احسن ماتشات وبستناها .
وأكد : جمهور الزمالك رقم واحد في كل حاجة ، والداعم الرئيسي ليا ، ونفسي دايما أحقق بطولات وافرحهم.
و تطرق : جوميز دايما بيدي الثقة لكل اللعيبة ، في أول مشاركة قالي العب ميهمكش حاجه والعب في المباراة زي التمرين.
واضاف : كان نفسي أكمل مباراة الإسماعيلي ، لكن بعد ما خرجت مأحبطش، واكيد مستر جوميز عمل الصح.
وأتم : أول ما شوفت الجمهور في الملعب ، جسمي قشعر بطريقة رهيبة ، وقلت الجمهور دا مستحيل يروح زعلان ، كنت بدعي ربنا يكرمنا الماتش دا ، الحمدلله الماتش عدي على خير وخدنا البطولة.
شاهد الفيديو
