كنت قدام مرتضى منصور زي الطفل !! مذيع يهين خالد الغندور والأخير يرد !!! – فيديو

استفز الإعلامي الاردني لطفي الزعبي ، ضيفه خالد الغندور خلال لقاء في قناة المشهد عبر اليوتيوب ، ذلك أثناء الحديث عن مرتضى منصور رئيس الزمالك السابق .

ووجه الإعلامي هجوم على خالد الغندور ، قائلا انه كان يجلس امام مرتضى منصور أثناء المداخلات مثل الطفل الصغير ولم يستطيع الحديث أو أن يحاوره.

وجاء نص الحديث كالتالى :

خالد الغندور : مرتضى منصور أخطأ لأنه عمل عداوات

الإعلامي لطفي الزغبي :هل الرأي ده كنت مقتنع به لما كنت موجود؟

الغندور : آه طبعا، دورك كمقدم برامج متقولش لرئيس النادي أنت غلط.

لطفي الزغبي : هو كان بيحرجك على الهواء وبينتقدك بطريقة جارحة.

الغندور : عمره ما عمل كده، أنا كنت بحتويه.

الزغبي : مرتضى لما كان بيعمل مكالمات كنت بحس إنك قدامه طفل صغير ومكنتش بتناقش وأنت ولا نفس.

الغندور : كنت ساعات بختلف كتير معاه .

الزغبي : أبدا ، مكنتش بتختلف معاه أنا شوفت كل الفيديوهات.

الغندور : لو رئيس القناة وليها اتجاه هتختلف معاه على الهواء؟

الزغبي : هختلف معاه لو خالف مبادئي وقيمي، أنا مسؤول عن البرنامج ولا أسمح لأي شخص التدخل في برنامجي لو كان هو غلط.

وأتم خالد الغندور : أكيد انا مش هطلع اقطع في رئيس الزمالك على الهواء ، مثلاً قناة برشلونة مش بتطلع تقطع في الرئيس ، بعد الهوا بتناقش معاه في المشاكل.

شاهد الفيديو