كشف أحمد حمدي نجم وسط الفريق الأول لكرة القدم في نادي الزمالك كواليس انضمامه للفارس الأبيض، مشيرًا إلي أن نبيل عماد “دونجا” وأحمد سيد زيزو كان لهم دور خاص في إتمام انتقاله للقلعة البيضاء.
وأضاف ” حمدي” خلال استضافته في برنامج ” الهدف” على قناة “أون تايم سبورتس 2 ” :” ليا أصحاب كتير زملكاوية ومن زمان بيتكلموا معايا نفسنا تكون موجود في النادي”.
وأشار :” عقدي انتهى في كندا وكنت إجازة في القاهرة ومجلس إدارة الزمالك فتح معايا مفاوضات من خلال الكابتن حسين لبيب والكابتن حسين السيد وأنا من الأول كنت حابب أكون موجود مع الناس دي”.
وتابع :”انا كان عندي الرغبة من يوم عودتي للقاهرة أني ألبس تيشرت نادي الزمالك، وإن شاء الله ربنا يعينى وأكتب التاريخ مع نادي الزمالك”.
وأوضح ” حمدي” :” كنت فرحان جدًا لما الكابتن حسين لبيب كلمني و نبيل عماد “دونجا” هو اللى خدنى اقعد مع الكابتن حسين السيد وحسين لبيب وفضل معايا لأخر الاجتماع”.
وأكمل :” أول انطباع اخذته ان الناس دي محترمه وعندهم خطة لتنفيذها مع اللاعبين، زيزو كان على اتصال دائم مع اخويا وأحمد فتوح صاحبي وكلمنى من اول ما رجعت عشان انضم للزمالك، وأغلب اللاعبين كان عندهم رغبة انى اكون موجود وأنا كان عندي الرغبة مليار في المية إني أكون موجود”.
وشدد ” حمدي” :” أنا مبسوط وسعيد في نادي الزمالك وأنا اخترت قرار وانا مبسوط وسعيد بيه جدا ومركز مليون في المية إني ادي كل حاجة لنادي الزمالك، والاختيار الأول كان لنادي الزمالك”.
