كشف محمد شحاتة لاعب خط وسط الفريق الأول لكرة القدم بنادي الزمالك ، كواليس توقيعه للقلعة البيضاء على بياض، مؤكدا أنه يعشق الأبيض ، لذلك قام بهذا الفعل.
وقال محمد شحاتة في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر : انا أحمد يحيي وكيلي من 15 سنة ووقفي جمبي في أوقات كتير .
وواصل : في نادي الزمالك لو همضي على عقد من غير أي حاجة ، معنديش مشكلة انا كان حلمي العب للزمالك ، انا مضيت من غير ما اعرف علشان دا نادي الزمالك.
وأكد : كنت ببات في مبيت بنادي طلائع الجيش ، وكنت بحلص الفلوس اللى معايا ومش برضي اقول لوالدي علي فلوس تانيه ، فكنت بروح لميس العساكر اكل معاهم والحمدلله كانت ماشيه بالستر
وواصل : لما كلمت أبويا قلتله همضي للزمالك ،قالي انت بتتكلم جد ؟ ومكنش مصدق .
وأتم : عرفت من اختي بعدها انه كان بيعيط بعد ما قفل معايا.
شاهد الفيديو
