كشف محمد شحاتة لاعب خط وسط الفريق الأول لكرة القدم بنادي الزمالك ، عن تلقيه اتصالات من احمد مصطفي زيزو أثناء تواجده في طلائع الجيش ، والتأكيد له على وجود رغبة في ضمه للزمالك.
وقال محمد شحاتة في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر : زيزو دايما كان على تواصل معايا وكان بيسألنى على مفاوضات الزمالك .
وواصل : زيزو كان دايما مهتم إني أنضم للزمالك وكان بيقولي هتيجي ونحقق بطولات مع بعض، ودايما بيقف معايا ويحفزني.
وأشار: شيكابالا أسطورة الزمالك استقبلنا كلنا وشخصية نضيفه جدا، ومن انضف الشخصيات اللى اتعاملت معاها.
واضاف : شيكابالا قالي عاوزك واثق من نفسك ومتخافش وربنا هيكرمك معانا ، وانا بحبه على المستوي الشخصي.
وأشار : شعوري باهتمام الإعلام بعد الإنضمام للزمالك؟ مليش في الإعلام ودايما مركز في الملعب ، مش بحب حاجه تشغلني برا الملعب ، لأن دا هياخد من تركيزي ، وانا بحب أركز في الملعب ، في أوقات مناسبة أطلع فيها للإعلام.
وأتم : عندنا في نادي الزمالك كلنا واحد ، مفيش أساسي أو احتياطي ، معندناش مشكلة مين يلعب أساسي أو احتياطي.
شاهد الفيديو
