نائب رئيس المصري يفتح النار على الحكام وبيريرا !!! دا راجل يافطه ولازم يرحل !! – فيديو

شن رجب عبدالقادر نائب رئيس مجلس إدارة النادي المصري البورسعيدي ، هجوماً على هشام القاضي حكم مباراة فيوتشر ، بعد طرد ميدو جابر لاعب المصري.

وقال رجب عبدالقادر نائب رئيس المصري في تصريحات لبرنامج البريمو عبر شاشة قناة TEN الفضائية تقديم الإعلامي محمد فاروق : أمر مخزى اللى بيتعرض له المصري .

وواصل : المصري بيتعرض لظلم واضح ، دايما بيخرج من أي مباراة مظلوم بفعل فاعل , حكم الساحة هشام القاضي جاري تأهيله ليكون حكم دولي ، وعلشان علاقته بالمسئولين بيتم تجهيزه ، دا كلام مؤكد.

وأشار : انا اللي بقوله ميختلفش عليه اتنين ، دي مهزله ، دا نادي جماهيري وشعبي وبيتم محاولة إبعاده.

واضاف : لما يكون مسئول لجنة الحكام مش مصري ودا المستوي ، يبقي دي كارثة ولازم الراجل دا يرحل.

وشدد : كفاية اهدار لمجهود إدارة المصري ، طرد ميدو جابر علشان بيتحايل ، وبالتالي حرمنا منه في المباراة الجاية ، دا كلام مزعج جدا ، وقدمنا احتجاج رسمي ، ووارد جداً نطلب حكام أجانب ، فيه هدف لإبعاد النادي المصري .

وأكد : رئيس لجنة الحكام الغير مصري دا هو يافطه مش اكتر ، لازم المنظومة دي تنضبط أو ترحل.

وأتم : لن تستقيم الكرة المصرية بوجود هذا الكلام ، أمر مؤسف.

شاهد الفيديو