تعليق ناري من عمرو أديب على تعادل منتخب مصر أمام غينيا بيساو.. “رجعنا منقوطين ومفيش خطه”!! – فيديو
علق الإعلامي عمرو أديب، على أداء منتخب مصر أمام غينيا بيساو، بعد التعادل بهدف لكلا منهما، في إطار التصفيات المؤهلة لكأس العالم 2026.
وتعادل منتخب مصر مع غينيا بيساو، في المباراة التي جمعت بينهما مساء اليوم الإثنين، في إطار الجولة الرابعة من الجولة الأولى من تصفيات أفريقيا المؤهلة لكأس العالم 2026.
وقال عمرو أديب خلال تصريحات تليفزيونية ببرنامج “الحكاية”،عبر قناة” mbc مصر”: “اللي يقول إحنا رجعنا بنقطة من غينيا بيساو عنده حق، إحنا رجعنا منقوطين من غينيا بيساو، هذه هي حكاية منتخب مصر، تأتي أمام فرق صغيرة مثل غينيا التي لا لها في الطور ولا الطحين وعاملة زي البقدونس في السلطه”.
واضاف:” فجأة تدخل معاك في المعادلة ويبقى لها مكان، ويبقى لها تأثير وتدخلك في حسبة برمة، ونشوف الفرق التانية عملوا أيه”.
وتابع أديب: “اللاعيبة تعبانة ومرهقة جدا، التغييرات مضطربة جدا، ومفيش ماتش واحد لعبناه ولم يتم تبرير الأداء السيء غير بالإرهاق”.
وشدد:” قولوا لي على ماتش واحد سواء للزمالك اوالاهلي اوالمنتخب اللعيبه مش مرهقه، معقوله ياجماعه احنا في اوكازيون”.
وأختتم:” لولا اللي الله يباركله ويخليه ويبارك فيه محمد صلاح جاب هدف التعادل، هو ده محمد صلاح ابن مصر هو عمل الكره بتاعته ربنا ينجيه ويخليه، راجع شبه سعيد هذا المنتخب لاشكل له ولاخطه له، ولو ناصر ماهر نزل قبل وقته پ10 دقايق كانت القصه اتغيرت”.
شاهد:
عمرو أديب: احنا رجعنا بنقطة من غينيا بيساو يعني منقوطين.. هي دي حكاية منتخب مصر دايما في تصفيات كاس العالم .. غينيا دول زي البقدونس في السلطة
يعرض الآن مجاناً على شاهدhttps://t.co/MmxYG3fmqk #الحكاية#MBCMASR pic.twitter.com/pcH5XUXW1H
— MBC مصر (@mbcmasr) June 10, 2024
