وجه الإعلامي أحمد سالم، المتحدث الرسمي لنادي الزمالك، رسالة هامة لمنتقديه، بعد الهجوم عليه بسبب دفاعه عن الفارس الأبيض من خلال برنامجه التليفزيوني.
وقال سالم في تصريحات تليفزيونية عبر قناة “الشمس”:”قالوا ازاي قناة الشمس شغاله لصالح الزمالك، هو الاستاذ احمد موسى بيظهر في صدي البلد وبيتكلم عن الأهلي والإستاذ لميس الحديدي، هل القنوات دي بقت قناة الاهلي، والاستاذ خالد ابوبكر الي قال الدستور بيقول الاهلي لازم يكسب حدقاله القناة بقت للاهلي”.
وتابع:” اشمعنى الزمالك ولما اتكلمت عنه أصبحت قناة الشمس بتاعت الزمالك، في اتفاق مع مسئولي القناة قالولي اتكلم في كل شئ بما لايخالف للقانون”.
واضاف سالم:” قناة علاء الكحكي، النهار فيها 3 برامج لاهلويه وهم تامر امين وابراهيم سعيد واميرهشام وليل ونهار هجوم على الزمالك ولاعبيه هل حد اتهم قناة النهار انها اهلاوية؟ “.
وأشار:” القناة تحاسب لو في الفاظ خارجه او كلام خارج عن القانون، ولايمكن علشان زملكاوي، اول مره حد ييتكم على الزمالك بجد وبيدافع عنه، مش زي الاستاذ عمرو اديب الي بيتكلم دائما بهزار”.
وشدد سالم: “علشان اول مرة برنامج يكلم على الزمالك ويدافع عنه هاجمتوه، في حين موجود20 برنامج يكلم على الاهلي، وتامر امين هاجم شريف اكرامي ورمضان صبحي بقوه حد كلمه؟ “.
وأتم:” اول لما اتوليت المسئوليه تكلمت عن الاعلام الرياضي وادعاء الحياديه، ادعاء الحياديه غير مُجدي، كابتن شوبير بيقول انه سعيد بالزمالك ونجاحه وده مش واقعي، فكرة ان انا محايد ابقى كداب الكلام تقوله في السياسه بشروط انما الرياضه لا”.
شاهد:
