أحمد سليمان: وزير الرياضة تدخل لحل أزمة الزمالك مع رابطة الاندية.. وسؤال ناري من حسن شحاتة

أكد احمد سليمان، عضو مجلس إدارة الزمالك، ان أشرف صبحي وزير الرياضة، عقد حلسات مع حسين لبيب رئيس النادي لحل الازمة مع رابطة الاندية.

وقال سليمان، خلال تصريحات تليفزيونية عبر برنامج “اللعيب، على قناة”ام بي سي مصر” :” الزمالك خد موقف والدنيا اتقلبت ووزير الشباب والرياضة قعد مع كابتن حسين لبيب رئيس الزمالك ومع النائب أحمد دياب رئيس الرابطة ”

وتابع:” وتم الاتفاق أن الموسم الجاي هيكون الشكل مختلف والانديه هيتاخد رأيها في كل حاجه “.

ومن جانب أشار حسن شحاته:” يا كابتن أحمد أنت حضرتك بتقول رئيس الزمالك قعد مع وزير الشباب والرياضة حصل ايه بقى بخصوص الموسم ده انا مالي بالموسم الجاي؟”.

وأضاف: “متضحكشي أنا بتكلم بجد الزمالك كان بيتكلم على الموسم الحالي فأنت دلوقتي الوزير عاملك ايه؟”.

وتدخل الإعلامي مهيب عبدالهادي :” الوزير ملوش علاقه بالموضوع ولا صاحب قرار هو كان قاعد يستمع للشكاوي ”

ليرد أحمد سليمان :” أنا مكنتش عايز اقول كده بس في أزمة بين إتحاد الكرة والرابطه وملف الحكام أساس الأزمة مع اتحاد الكرة ودول مقعدوش في القعده”.