وجه الإعلامي إبراهيم فايق، رسالة قوية إلى جماهير الأهلي، بشأن محمد مجدي أفشه، لاعب الفريق الاول لكرة القدم بالنادي الأحمر بعد تصريحاته المثيرة للجدل.
وقال فايق في تصريحات تليفزيونية ببرنامج “الكورة مع فايق”، عبر قناة” mbc مصر 2″:” هناك تحامل كبير علي افشه منذ ظهوره معي في البرنامج، هناك لاعب عنده مجموعة من المشاعر المختلطه، بيعشق الاهلي وجمهوره وبيقولهم مش جبت جول القاضية وخلاص، لا لسه موجود وحاسس انه مضغوط، وعنده حالة ارتباك ومحتاج مسانده وبكلم جمهور الاهلي”.
واضاف: “النوعيه دي محتاجه تتفهم والناس تستوعبها، وفي حاله، وازاي الناس مش شافت حالة الارتباك للي بيعاني منها هو نقي وابيض وبيقول للناس انا موجود ولسه هعمل”.
واردف فايق:” دخل ناس مغرضه والسواد مالي قلوبها، وتيار اختار يدبح افشه، هو ابنكم لوخبط تخبيطتين ميقصدش اللي قاله، كلنا عندنا ارتباكات طبيعيه جدا”.
وأختتم: “الرجل قال حقكم عليا لو زعلت حد، الموضوع بسيط انا اللي كنت في الفواصل ومفيش حاجه حصلت غير ان بقوله اهدى وبدأ يراجع نفسه”.
