احمد سالم يلقن شوبير درسا قاسيا على الهواء ويفضح دوره الخبيث !! – فيديو
شن احمد سالم المتحدث الرسمي باسم مجلس إدارة نادي الزمالك ، هجوما حادا على مدعي الحياد احمد شوبير ، بعد حملته الاخير ضد دفاع مجلس الزمالك عن حقه ، حيث فضح دوره الخبيث في توجيه الحوارات التلفزيونية ضد الزمالك .
وقال احمد سالم عبر برنامجه تحت الشمس : اتكلمنا قبل كدا عن موضوع الحياد الإعلامي الرياضي ووهمية الفكرة.
وأشار : حضرتك إزاي عاوزني اقتنع انك لاعب مثلا قضيت عمرك كله مثلا في النادي الإسماعيلي و تقنعني انك لما تطلع على الشاشة وتتكلم على الإسماعيلي هتكون محايد ؟.
وأكد : وكمان تدير الحوار وتوجه الضيف بشكل مريب وكأن الزمالك ارتكب جرم كبير، وكمان تلاقي تويتات مستفزه للجمهور بتثير الفتنة والاحتقان.
وأضاف : احنا بس عاوزين نعرف لما حضرتك بتطلع تكلمنا بتكلمنا بأي صفة ، اعلامي ولا كابتن سابق للنادي دا ، ولا بتتكلم باسم النادي رغم إن محدش طلب منك دا .
واستمر : الأهلي لما عمل نفس الكلام ونزل بيانات يعترض زي الزمالك ويهدد بالانسحاب مطلعتش واتكلمت ليه ؟ مقولتش بقي لا لازم يلعب ودي شوية بيانات بس وبيهدد وهيلعب ، فيه كيل بمكيالين.
وشدد : الزمالك مخترعش فكرة البيانات الغاضبة ، الأهلي عملها قبله ، وله عدة بيانات في السابق وكان له نفس طلبات الزمالك ومن حق كل نادي يدافع عن نفسه .
وأتم : ياجماعة الزمالك منسحبش قدام الأهلي ، الزمالك رافض يخوض أي مباراة في الدور التاني ، قبل ما يخلص الدور الأول.
شاهد الفيديو
