الزمالك كان عنده حق !! محمد مصيلحي يفتح النار على فساد حكام الدوري المصري !! – فيديو

انتقد محمد مصيلحي رئيس نادي الاتحاد السكندري ، مستوي حكام الدوري المصري عقب إلغاء هدف صحيح لفريقه امام الداخلية ، مؤكدا ان الزمالك موقفه كان صحيح في التمرد على منظومة كرة القدم .

وقال محمد مصيلحي في مداخلة لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : كل حكام مصر اجمعوا إن هدف الإتحاد صحيح.

وواصل : احنا بعتنا احتجاجات رسمية للرابطة واتحاد الكرة.

وأشار : انا كرئيس نادي ميفرقش معايا مين رئيس اللجنة لكن انا عاوز حقي.

وزاد : الحكم سيد شعبان حكم الفار قال بين الشوطين وبعد المباراة ان الهدف صحيح لكن كان فيه مشكلة في خطوط الفار ، الحكم هيروح بيته إزاي بعد ما غلط بالشكل ده ؟

وشدد : لازم يتم تحقيق رسمي في الموضوع ، ومش هقولك بقي إجراءات وانسحاب ، أنا عاوز حقي ، يتم التحقيق مع الحكم ولو فيه خطأ الماتش يتعاد.

وتابع : لو عاقبو الحكم او وقفوه او بطل تحكيم خالص ، انا استفدت ايه ؟؟

وشدد : هل في نادي في مصر محتجش على التحكيم.

وزاد : بقالنا فترة بنتكلم على اللى عمله الزمالك ، الزمالك عنده حق في اللى عمله.

وأتم : انا كرئيس نادي طالب من حضرتك ترد على جواباتي ، ومينفعش تطلع تقولي العقاب سري.

شاهد الفيديو