“اللي بيحصل عك”.. مدحت العدل يفتح النار على الجميع بعد موقف الزمالك من استكمال الدوري – فيديو

علق الكاتب والسيناريست مدحت العدل على موقف نادي الزمالك من عدم استكمال مباريات بطولة الدوري إلا بعد تنفيذ مطالبة، مشيرًا إلي أن ما يحدث على الساحة الكروية في مصر يمكن وصفه بالـ ” عك الكروي”.

ويتمسك الزمالك بعدم خوض أي مباراة في الدور الثاني من الدوري الممتاز قبل أن تستكمل الفرق المتنافسة جميع مباريات الدور الأول.

وقال ” مدحت” :” بيريرا رئيس لجنة الحكام بياكل عيش، بياخد 20 ألف دولار في الشهر مش عايز يخسرهم اللي بيقوله عليه بيعمله، لكن الراجل مش فارق معاه الكورة في مصر ولا التحكيم”.

وأشار :” عندنا دوري غير منتظم وكورة في منتهى الضعف ومستويات مخجلة، وبرامج الرياضة في الدول العربية كلها بتتكلم عن الدوري المصري واللى بيحصل فيه”.

وأضاف ” العدل” في تصريحات لبرنامج ” تحت الشمس” على قناة ” الشمس” تقديم الإعلامي أحمد سالم :” بنلعب مباريات الدور الثاني قبل الدور الأول، والأهلي عمره ما لعب بيراميدز في موعد المباراة الأساسي”.

وتابع :” أنا رأيي الشخصي إن الكابتن حسام حسن ملوش كرامات معينة عشان يتولى تدريب المنتخب وفي التوقف الدولي الأخير كسبنا بوركينا فاسو بالعافية وتعادلنا مع غينيا بيساو بمهارة محمد صلاح”.

وأكد ” العدل” :” اللي بيحصل كله ده “عك”، وإحنا واقفين مع مجلس إدارة نادي الزمالك لحين تنفيذ مطالب النادي، وياريت السنة الجاية الحال يتعدل عن دلوقتي وعيب اللي بيحصل عندنا ده”.

شاهد: