شن ايمن الشريعي رئيس مجلس إدارة نادي انبي هجوما قويا على ثروت سويلم المتحدث الرسمي باسم رابطة الأندية المصرية المحترفة ، بعد حديثه عن ان الأبيض خارج المنافسة .
وقال ايمن الشريعي في تصريحات لبرنامج تحت الشمس : تعجبت جدا من تصريحات ثروت سويلم .
وواصل : اللي قال ان الزمالك مش منافس على الدوري ، لا يافندم الفرق كلها منافسة على البطولة، من اخر فريق في الدوري لحد أول فريق ، دا تكافؤ فرص.
وأشار : إدارة المسابقات محتاجه يبقي فيها عمل مؤسسي بحيث يكون فيه شفافيه و انضباط واللوائح تطبق على الجميع ، احنا وصلنا لمرحلة بقي فيها مشاكل كتير وبعض المشاكل بقي ملهاش حلول ، مش هنقدر نكمل المسابقات في الموسم بهذا الشكل.
وأكد : عيب اوي يتعمل جدول بهذا الشكل ، دا برنامج بيتحط الاسماء ويطلع الجدول احنا مش بنخترع الذرة.
وشدد : انا طلبت من وليد العطار قرار تشكيل اللجنة مردش عليا .
وأتم : عامر حسين هو مسئول لجنة المسابقات بيحط كل اللوائح والقوانين.
شاهد الفيديو
